મોરબીમાં માતાને મારી નાંખવાની ધમકી આપી સગીરાનો દેહ અભડાવનાર પિતા-પુત્ર પૈકી પુત્ર ઝડયાયો
Morbi Today
મોરબીના ઘૂંટુ ગામે ઘરમાં પડી ગયેલા વૃદ્ધનું સારવાર દરમિયાન મોત
SHARE
JOIN OUR GROUP
મોરબીના ઘૂંટુ ગામે ઘરમાં પડી ગયેલા વૃદ્ધનું સારવાર દરમિયાન મોત
મોરબી હળવદ હાઇવે ઉપર આવેલા ઘુંટુ ગામે રહેતા વિપ્ર વૃદ્ધ પોતાના ઘેર કોઈ કારણસર પડી ગયા હતા જેથી તેઓને શહેરના સામાકાંઠે આવેલ હોસ્પિટલે સારવાર માટે ખસેડાયા હતા જ્યાં પ્રાથમિક સારવાર આપીને વધુ સારવાર માટે રાજકોટ સિવિલમાં ખસેડવામાં આવ્યા હતા જોકે ત્યાં આજરોજ તેમનું સારવાર દરમિયાન મોત નિપજયું હોવાનું રાજકોટ ખાતેથી જાણવા મળે છે.
મોરબીના સામાકાંઠે હળવદ હાઇવે ઉપર આવેલા ઘુંટુ ગામ નજીક રામકો વિલેજમાં રહેતા અનંતરાય પ્રેમશંકરભાઈ જોશી નામના ૮૧ વર્ષીય વૃદ્ધ તા.૯-૫ ના સવારે પોતાના ઘેર પડી ગયા હતા.જેથી ઇજાઓ થવાથી તેઓને શહેરના સામાકાંઠે આવેલી સમર્પણ હોસ્પિટલે લઈ જવામાં આવ્યા હતા ત્યાં સારવાર આપ્યા બાદ વધુ સારવાર માટે તેઓને રાજકોટ સિવિલમાં ખસેડવામાં આવ્યા હતા અને ત્યાં અનંતરાય પ્રેમશંકરભાઈ જોશીનું આજે તા.૧૦ ના રોજ સારવાર દરમિયાન મોત નીપજયું હતું.રાજકોટ ખાતે બનાવની નોંધ કરીને રાજકોટ પોલીસે બનાવ સંદર્ભે મોરબી તાલુકા પોલીસને જાણ કરી હતી.જેથી હાલ મોરબી તાલુકા પોલીસ મથકના મહિલા એએસઆઇ જીજ્ઞાશાબેન કણસાગરાએ બનાવ અંગે આગળની તજવીજ શરૂ કરી છે.
કાર ચાલકે હડફેટે લેતા યુવાન સારવારમાં
મોરબીના વાવડી રોડ ઉપર આવેલ મિલનપાર્ક વિસ્તારમાં રહેતો ખીમજીભાઈ રણછોડભાઈ નકુમ નામનો ૪૦ વર્ષીય યુવાન શનાળા રોડ ઉપરથી પગપાળા પોતાના ઘર તરફ વાવડી રોડ બાજુ જતો હતો ત્યારે રસ્તામાં લાતીપ્લોટ પાસે કોઈ અજાણી કારના ચાલકે તેને હડફેટે લેતા ઇજા થવાથી ખીમજીભાઈ નકુમને સારવાર માટે ખસેડવામાં આવ્યા હતા.જ્યારે માળિયા મિંયાણાના બેઠા પુલ પાસે પગપાળા જઇ રહેલ સમીર જુસબભાઈ ભટ્ટી નામના ૧૬ વર્ષીય યુવાનને અજાણ્યા બાઇક ચાલકે હડફેટે લેતા ઇજાગ્રસ્ત સમીર ભટ્ટીને અહિંની ક્રિષ્ના હોસ્પિટલ ખાતે સારવાર માટે લાવવામાં આવ્યો હતો.
