હળવદનાં જુના દેવળીયામાં જુગાર રમતા નવ શખ્સો ૩.૦૭ લાખની રોકડ સાથે ઝડપાયા
SHARE
JOIN OUR GROUP
હળવદનાં જુના દેવળીયામાં જુગાર રમતા નવ શખ્સો ૩.૦૭ લાખની રોકડ સાથે ઝડપાયા
હળવદ તાલુકાનાં જુના દેવળીયા ગામે જાહેરમાં જુગાર રમતા હોવાની બાતમી એલસીબીની ટીમને મળી હતી જેના આધારે ત્યાં રેડ કરવામાં આવી હતી ત્યારે સ્થળ ઉપરથી નવ શખ્સો જુગાર રમતા મળી આવ્યા હતા જેથી કરીને પોલીસે ૩.૦૭ લાખની રોકડ કબજે કરીને આગળની કાર્યવાહી કરી હતી
જાણવા મળતી માહિતી મુજબ હળવદ તાલુકાનાં જુના દેવળીયા ગામે રશ્મીનભાઈ જગજીવનભાઈ ભોરણીયાના રહેણાંક મકાનની બાજુમાં ખુલ્લી શેરીમાં જાહેરમાં જુગાર રમતા હોવાની બાતમી એલસીબીની ટીમને મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપર જુગાર રમતા રશ્મીનભાઈ જગજીવનભાઈ ભોરણીયા જાતે પટેલ (૪૦), મુનાલાલ જેઠાલાલ પુજારા જાતે લુહાણા (૪૨), હર્ષદભાઈ બનુભાઈ પઢીયાર જાતે રાજપુત (૩૭), સંજયભાઈ શનાભાઈ ચરમારી જાતે કોળી (૨૭), કલ્પેશકુમાર જયંતીભાઈ અઘારા જાતે પટેલ (૩૩), કાંતીલાલ કરશનભાઈ અઘારા જાતે પટેલ (૪૯), અજીતસિંહ બટુકસિંહ પરમાર જાતે દરબાર (૩૫), રમેશભાઈ ઉર્ફે ભરતભાઈ ગાંડુભાઈ જોટાણીયા જાતે પટેલ (૩૬) અને યુવરાજસિંહ બાપુભા પરમાર જાતે દરબાર (૩૫) રહે. બધા જ જુના દેવળીયા વાળા મળી આવ્યા હતા જેથી પોલીસે તેની પાસેથી રોકડ ૩,૦૭,૦૦૦ રૂપિયા કબ્જે કરીને તેની સામે હળવદ તાલુકા પોલીસ સ્ટેશને ગુનો નોંધીને આગળની કાર્યવાહી કરેલ છે
