હળવદની સરા ચોકડીએ ફટાકડાના સ્ટોલ બાબતે માથાકૂટમાં ફાયરિંગ:  સાત શખ્સો સામે નોંધાયો ગુનો

મોરબી જિલ્લાના હળવદમાં સરા ચોકડીએ ફટાકડાના સ્ટોલ મામલે બે જૂથ વચ્ચે માથાકૂટ થઈ હતી ત્યારે હવામાં બે રાઉન્ડ ફાયરિંગ પણ કરવામાં આવ્યા હતા જેથી કરીને તાત્કાલિક હળવદ પોલીસે ઘટના સ્થળે પહોચી હતી જો કે, માથાકૂટ બાદ બંને જૂથના શખ્સો ત્યાંથી નાશી ગયા હતા જેથી કરીને હાલમાં હળવદના પીએસઆર દ્વારા સેટ શખ્સોની સામે આર્મ્સ એક્ટ સહિતની કલમો હેઠળ ગુનો નોંધીને આરોપીઓને પકડવા માટે ચક્રોગતિમાન કરવામાં આવેલ છે

બનાવ જાણવા મળતી વિગત મુજબ હળવદની સરા ચોકડી નજીક દર વર્ષે દિવાળી પહેલા ફટાકડાના સિઝન સ્ટોલ રાખવામા આવતા હોય છે આવી જ રીતે આગામી દિવાળીને ધ્યાનમાં રાખીને ફટાકડાના સ્ટોલ નાખવાની કામગીરી દરમાયન બે જૂથ વચ્ચે માથાકૂટ થયેલ હતી અને ગત રાતે સાડા નવથી પોણા દસેક વાગ્યાના અરસામાં સરા ચોકડી પાસે માથાકૂટ થયેલ હતી જેમાં સરાજાહેર બે રાઉન્ડ ફાયરિંગ કરવામાં આવ્યા હતા જેથી લોકોમાં નાશભાગ મચી ગયેલ હતી અને આ બનાવની હળવદ તાલુકા પોલીસ સ્ટેશને જાણ કરવામાં આવતાની સાથે જ અધિકારીઓ  સહિતનો કાફલો સ્થળ ઉપર આવી ગયો હતો જો કે, સ્ટોલ બાબતે માથાકૂટ કરનારા શખ્સો ત્યાંથી નાશી ગયા હતા

ત્યાર બાદ હળવદ તાલુકા પોલીસ સ્ટેશને પીએસઆઈ કે.એન.જેઠવા દ્વારા આર્મ્સ એટ્ક સહિતની કલમ હેઠળ ફરિયાદ નોંધાવવામાં આવી છે જેમાં તેને જણાવ્યુ છે કે, સરા ચોકડીએ ફટાકડાના સ્ટોલ બાબતે દિલીપસિંહ અને પંકજ ગોઠી વચ્ચે માથાકુટ હતી અને ત્યાર દિલીપસિંહ અને સિદ્ધરાજસિંહ સરા ચોકડી પાસે આવેલ અટલ બિહારી બાજપાય પાર્ક પાસે હતા ત્યારે પંકજ ચમનભાઈ ગોઠી તેનો ભાઈ ધર્મેન્દ્ર ઉર્ફે ધમો ચમનભાઈ ગોઠી, મેહુલ રામણીકભાઈ ગોઠી, મેરો ઉર્ફે મેરિયો પ્રેમજીભાઈ દલવાડી, ગૌતમ ઉર્ફે ગોવલો જયંતિભાઈ ગોઠી એસયુવી કારમાં આવ્યા હતા અને તેની પાસે તલવાર, ધોકા અને ધારિયા જેવા હથિયાર સાથે આવ્યા હતા અને દિલીપસિંહ તેમજ સિદ્ધરાજસિંહ પાસે પણ તલવાર જેવા હથિયાર હતા ત્યારે ઉગ્ર બોલચલી થયેલ હતી અને બાદમાં પંકજ ગોઠી તેની પાસે રહેલ દેશી બનાવટના હથિયારમાંથી બે રાઉન્ડ ફાયરિંગ કર્યા હતા હાલમાં પોલીસે સાતેય શખ્સોની સામે ગુનો નોંધીને આરોપીને પકડવા તજવીજ શરૂ કરેલ છે