મોરબીથી જામનગર જતાં પરિવારની કારનું ટાયર ફાટતા બાળકીનું મોત
SHARE
JOIN OUR GROUP
મોરબીથી જામનગર જતાં પરિવારની કારનું ટાયર ફાટતા બાળકીનું મોત
મોરબીનો વોરા પરિવાર કામ સબબ મોરબીથી ઇકો કારમાં જામનગર તરફ જતો હતો ત્યારે જામનગર અને ધ્રોલની વચ્ચે આવેલા ફલ્લા ગામ નજીક તેઓની ઇકો કારનું પાછળના ભાગનું ટાયર ફાટ્યું હતું જેથી કાર પલટી મારી જતા તેમાં બેઠેલ પરિવારના સભ્યો પૈકીની ૧૪ વર્ષની બાળકીને માથાના ભાગે થયેલ ગંભીર ઇજાઓના લીધે તેનું મોત નીપજયું હતું
બનાવની જાણવા મળતી વિગત મુજબ મોરબીના નાની બજારમાં આવેલ ફકરી હાઈટ્સ ખાતે રહેતા શબીરભાઈ કોન્ટ્રાક્ટર જાતે વોરાનો પરિવાર કામ સબબ મોરબીથી જામનગર તરફ જતો હતો ત્યારે જામનગર અને ધ્રોલ વચ્ચે આવેલ ફલ્લા ગામ નજીક તેઓની ઇકો કારનું ડ્રાઇવર સાઈડનું પાછળનું ટાયર ફાટી જતા કાર પલટી મારી ગઈ હતી અને તે વાહન અકસ્માતના બનાવમાં કારમાં બેઠેલા વોરા પરિવારની અમતુલ્લાહબેન શબીરભાઈ કોન્ટ્રાક્ટર જાતે વોરા ૧૪ રહે. ફકરી હાઈટસ નાની બજાર મોરબીનું માથામાં ઇજાઑ થવાથી મોત નીપજ્યું હતું જેથી તેના ડેડબોડીને મોરબીની સિવિલ હોસ્પિટલે પીએમ માટે લઈને લાવવામાં આવતા એ ડિવિઝન પોલીસ મથકના હરેશભાઈ ચાવડા દ્વારા પ્રાથમિક તપાસ કરી બનાવ સંદર્ભે ધ્રોલ પોલીસને જાણ કરવામાં આવી હતી અને વાહન અકસ્માતના બનાવમાં ૧૪ વર્ષની નાની બાળાનું મોત નિપજતા વોરા પરિવાર શોકમગ્ન બની ગયો હતો.
