વાંકાનેરના માટેલ રોડે સીરામીક કારખાનાના કન્વેનેટર બેલ્ટમાં આવી જવાથી યુવાનનું મોત
Morbi Today
જુગારીઓમાં જબરો ક્રેઝ: મોરબી માળીયા બેઠક ઉપર ઉમેદવારની હાર-જીતમાં લાગી ૧૦ કરોડથી વધુની શરતો
SHARE
JOIN OUR GROUP
જુગારીઓમાં જબરો ક્રેઝ: મોરબી માળીયા બેઠક ઉપર ઉમેદવારની હાર-જીતમાં લાગી ૧૦ કરોડથી વધુની શરતો
ગુજરાત વિધાનસભાની ચૂંટણી માટે થયેલ મતદાન બાદ કાલે મતગણતરી થવાની તે પહેલા મોરબી જિલ્લા સહિત ગુજરાતની તમામ બેઠક ઉપર ઉમેદવારની હાર જીત માટે તેને ટેકેદારોએ સહિતના લોકો લાખો નહિ કરોડો રૂપિયાની શરતો લાગી રહી છે ત્યારે મોરબી જીલ્લામાં આવતી સૌથી હોટ મોરબી માળીયા વિધાનસભા બેઠક માટે હાલમાં અનેક શરતો લાગી છે અને આ ચુંટણીમાં ભાજપની જીત ઉપર અંદાજે ૧૦ કરોડથી વધુની શરતો જુદાજુદા લોકો દ્વારા લગાવવામાં આવી હોવાનું ચર્ચાઇ રહ્યું છે.
વિધાનસભાની ચૂંટણીમાં કોણ જીતશે તેના પર એક તરફ સટોડિયા દાવ લગાવવા લાગ્યા છે ત્યારે મોરબી માળીયા વિધાનસભા વિસ્તારમાં ઉમેદવારની જીત માટે દાવો કરતા તેના મિત્રો, ટેકેદારોએ સહિતાઓની વચ્ચે લાખો નહિ પરંતુ કરોડો રૂપિયાની શરતો લાગી રહી હોવાનું ચર્ચાઇ રહ્યું છે અત્રે ઉલેખનીય છે કે, આ ચુંટણીમાં કોંગ્રેસ પાસે પાલિકાના ભ્રષ્ટાચાર અને ઝૂલતા પુલ તૂટવાના બનાવ સિવાય બીજો કોઈ મહત્વનો મુદ્દો હતો નહીં તો પણ કોંગ્રેસ ચૂંટણી પ્રચારમાં તેનો પૂરતો લાભ ઉઠાવી શકી ન હતી તે હક્કિત છે અને ભાજપના આગેવાનો કોંગ્રેસને મદદ કરી રહ્યા હોવાથી કોંગ્રેસને જીત નજર સામે દેખાતી હતી જો કે, કાંતિભાઈ અને તેની ટીમે પણ એકલા હાથે આ ચુંટણીમાં બેઠકને સર કરવા માટેની રણનીતિ બનાવી હતી જેથી કરીને ચૂંટણીનું મતદાન પૂરું થયા પછી હવે કાંતિભાઈ અને જયંતિભાઈના સમર્થકો, મિત્રો, ટેકેદારો સહિતના પોતાના ઉમેદવારની જીત ઉપર શરતો લગાવી રહ્યા છે.
આ વખતેની ચુંટણીમાં આમ આદમી પાર્ટી પણ મેદાનમાં હોવાથી ત્રણ પાર્ટી વચ્ચેના જંગમાં આ ચૂંટણીમાં કોણ જીતશે અને કોણ હારશે માટે ઉત્સુકતા લોકોમાં પણ જાગી છે. આટલું જ નહીં મતગણતરીને હવે ગણતરીની કલાકો બાકી રહી છે ત્યાર પહેલા શરતોનો દોર શરૂ થયો છે. અને હાલમાં સૂત્રો પાસેથી જાણવા મળતી માહિતી મુજબ મોરબીમાં હાલમાં હાર જીત ઉપર ૧૦ કરોડથી વધુની શરત લાગેલ છે આટલું જ નહીં સટ્ટા બજારમાં પણ કરોડો રૂપિયાનો સટ્ટા મોરબીની બેઠક ઉપર લાગેલ છે તેમજ મોરબી બેઠક ઉપર કાંતિભાઈ અમૃતિયાને ૩૦૦૦, ૫૦૦૦ અને ૮૦૦૦ ની લીડ ઉપર એક માટે ૫૦૦, ૧૦૦૦, ૨૦૦૦ અને ૫૦૦૦ સુધીના ભાવની પણ શરતો લાગેલ છે જેથી કરીને આ પરિણામ ઉપર રાજકારણીઓ ઉપર જુગારીઓની પણ નજર મંડાયેલ છે.
