મોરબીના રફાળેશ્વર ગામે યુવાન ઉપર બે શખ્સોએ કર્યો છરી વડે હુમલો: ઇજાગ્રસ્ત યુવાન સારવારમાં
Morbi Today
મોરબીના લાલપર નજીક ટ્રક નીચે માથું કચડી નાખીને યુવાનનું મોત નિપજાવનાર વાહન ચાલકની ધરપકડ
SHARE
JOIN OUR GROUP
મોરબીના લાલપર નજીક ટ્રક નીચે માથું કચડી નાખીને યુવાનનું મોત નિપજાવનાર વાહન ચાલકની ધરપકડ
મોરબી વાંકાનેર હાઇવે ઉપર લાલપર ગામ પાસે સર્વિસ રોડ ઉપરથી પસાર થતાં બાઈકને ટ્રક ટેલરના ચાલકે હડફેટ લીધું હતું અને બાઇક સવાર યુવાનના માથા ઉપરથી ટ્રકનું ટાયર ફેરવી દીધું હતું જેથી ગંભીર ઇજા થવાથી ઘટના સ્થળે જ યુવાનનું મોત નીપજયું હતું અને અકસ્માત મૃત્યુના બનાવમાં મૃતક યુવાનના પિતાની ફરિયાદ લઈને પોલીસે ટ્રક ટેલરના ચાલક સામે ગુનો નોંધી તેને પકડવા માટે તજવીજ શરૂ કરેલ હતી અને આ ગુનામાં હાલમાં આરોપીની ધરપકડ કરવામાં આવેલ છે
મૂળ સુરેન્દ્રનગર જિલ્લાના પરનાળા ગામના રહેવાસી અને હાલમાં મોરબી નજીકના લાલપર ગામે આવેલ અજંતા એપાર્ટમેન્ટમાં બ્લોક નંબર ૨૦૪ માં રહેતા રઘુભાઈ હમીરભાઈ કોતરવાડીયા જાતે રાવલ (૫૦) એ ટ્રક ટેલર નં જીજે ૧૬ એઝેડ ૭૮૭૪ ના ચાલક સામે ફરિયાદ નોંધાવી હતી કે, મોરબી વાંકાનેર હાઇવે ઉપર આવેલ ઇડન કોમ્પલેક્ષની સામે સર્વિસ રોડ ઉપરથી તેનો દીકરો રાહુલ રઘુભાઈ કોતરવાડીયા (૧૯) પોતાનું બાઈક નંબર જીજે ૩૬ એઇ ૦૭૫૧ લઈને પસાર થઈ રહ્યો હતો ત્યારે ટ્રક ટેલરના ચાલકે તેને હડફેટે લીધો હતો અને તેના માથા ઉપરથી ટ્રકનું તોતિંગ ટાયર ફેરવી દીધું હતું જેથી અકસ્માતનો બનાવ બન્યો હતો અને તેમાં રાહુલને ગંભીર ઈજા થઈ હોવાથી તેનું ઘટના સ્થળે જ મોત નીપજ્યું હતું ત્યારબાદ તેના મૃતદેહને પીએમ માટે મોરબીની સિવિલ હોસ્પિટલ ખાતે લઈ જવામાં આવ્યો હતો અને આ બનાવની મૃતકના પિતાએ મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને અકસ્માત સર્જનારા ટ્રક ટેલરના ચાલકને પકડવા માટે તજવીજ શરૂ કરેલ હતી અને આ ગુનામાં પોલીસે નિતેષ ફડીનાથ યાદવ (20) રહે. શ્રીસીયા જગદિશ ઓપેલ મોતીપુરા વિસ્તાર બિહાર વાળા ની ધરપકડ કરે છે
અકસ્માતમાં ઈજા
મોરબીના સામાકાંઠા વિસ્તારમાં આવેલ માળિયા ફાટક ચોકડી પાસેથી કુળદેવી પાન તરફ જતા રસ્તા ઉપર કાર અને બાઈક વચ્ચે અકસ્માત સર્જાયો હતો જેમાં મોરબીના ધરમપુર રોડ ઉપર આવેલ શિવ પાર્ક સોસાયટીમાં રહેતા જયદીપસિંહ અનિરુદ્ધસિંહ વાઘેલા (ઉંમર વર્ષ 23) નામના યુવાનને ઇજા થઇ હોવાથી તેને મોરબીના સામાકાંઠા વિસ્તારમાં આવેલ ખાનગી હોસ્પિટલમાં સારવાર માટે લઈ જવામાં આવ્યો હતો અને અકસ્માતના બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ રહે છે
અકસ્માતમાં ઇજા
મોરબીના હળવદ રોડ ઉપર આવેલ ઉંચી માંડલ ગામ પાસેથી બાઈક લઈને હળવદ તાલુકાના વાકિયા ગામે રહેતા બેચરભાઈ રમેશભાઈ એરણીયા (ઉંમર વર્ષ 30) પસાર થઈ રહ્યા હતા ત્યારે તેઓના બાઇક આડે ઝારકો સીરામીક પાસે કૂતરું ઉતર્યું હતું જેથી કરીને અકસ્માતનો બનાવ બન્યો હતો અને અકસ્માતના આ બનાવમાં બેચરભાઈ એરણીયાને ઇજા થઇ હોવાથી તેને સારવાર માટે મોરબીના સામાકાંઠા વિસ્તારમાં આવેલ શિવમ હોસ્પિટલ ખાતે લઈ જવામાં આવ્યો હતો અને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી
