મોરબી જિલ્લા સહિત રાજ્યના ભાજપ સંગઠનમાં બદલાવના એંધાણ

ગુજરાત વિધાનસભાની ચૂંટણી પૂરી થઈ ગયા બાદ હવે ભાજપ સંગઠનમાં મોટાપાયે સમગ્ર ગુજરાતની અંદર ફેર બદલાવ કરવામાં આવે તેવી શક્યતાઓ દેખાઈ રહી છે દરમિયાન આગામી સોમવારે મોરબી સહિત ૩૩ જિલ્લાના પ્રમુખોની ગુજરાત પ્રદેશ ભાજપના પ્રમુખ સી.આર. પાટિલની અધ્યક્ષતામાં મીટીંગ રાખવામાં આવી છે જેમાં નવાજૂનીના એંધાણ દેખાઈ રહ્યા છે

મોરબી જિલ્લામાં વિધાનસભાની ત્રણ બેઠકો આવે છે અને ગુજરાતની ૧૮૨ બેઠકો ઉપર વિધાનસભાની ચૂંટણીના પરિણામો જાહેર થઈ ગઈ છે અને સ્પષ્ટ બહુમતી સાથે ગુજરાતમાં સત્તાનું સુકાન ભાજપ દ્વારા સાંભળવામાં આવ્યું છે ત્યારબાદ હવે સંગઠનમાં આગામી દિવસોમાં મોટાપાયે ફેર બદલાવ કરવામાં આવે તેવી શક્યતાઓ દેખાઈ રહી છે સૂત્રો પાસેથી જાણવા મળતી માહિતી મુજબ આગામી સોમવારે ગુજરાત પ્રદેશ ભાજપના અધ્યક્ષ સી.આર. પાટીલની અધ્યક્ષતામાં ગુજરાતના ૩૩ જિલ્લાના પ્રમુખોની બેઠક બોલવામાં આવી છે આ બેઠકમાં મોરબી જિલ્લાના પ્રમુખ દુર્લભજીભાઈ દેથરીયા સહિતના ગુજરાતના તમામ જિલ્લાના પ્રમુખો હાજર રહેશે તેવું પણ જાણવા મળ્યું છે અને ત્યારબાદ આગામી દિવસોમાં ગુજરાતના તમામ જિલ્લાઓમાં સંગઠનમાં મોટા પાયે ફેર બદલાવ કરવામાં આવે તો નવાઈ નથી