હળવદના મયુરનગર ગામે ઘરમાંથી દારૂની નાની-મોટી દારૂની ૧૦૪ બોટલ અને ૧૨ બીયર સાથે એક પકડાયો
SHARE
JOIN OUR GROUP
હળવદના મયુરનગર ગામે ઘરમાંથી દારૂની નાની-મોટી દારૂની ૧૦૪ બોટલ અને ૧૨ બીયર સાથે એક પકડાયો
હળવદ તાલુકાના મયુરનગર ગામે રહેણાંક મકાનમાં દારૂની રેડ કરવામાં આવી હતી ત્યારે ઘરમાંથી દારૂની નાની મોટી કુલ મળીને ૧૦૪ બોટલ તેમજ બિયરના ૧૨ ટીન મળી આવતા પોલીસે દારૂ બિયરનો જથ્થો કબજે કર્યો હતો અને એક શખ્સની ધરપકડ કરીને તેની સામે હળવદ તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
બનાવની જાણવા મળતી વિગત પ્રમાણે મોરબી જિલ્લાના હળવદ તાલુકામાં આવતા મયુરનગર ગામે રહેતા જયદીપભાઇ ડાભીના ઘરની અંદર દારૂનો જથ્થો હોવાની બાતમી મળી હતી જેના આધારે પોલીસે ત્યાં દારૂની રેડ કરી હતી ત્યારે ઘરની અંદરથી દારૂની મોટી ૨૭ બોટલો તેમજ ૭૭ ચપલા મળી આવ્યા હતા જેથી કરીને પોલીસે દારૂની નાની મોટી ૧૦૪ બોટલો અને બિયરના ૧૨ ટીન આમ કુલ મળીને ૧૭૦૦૦ રૂપિયાની કિંમતના મુદ્દામાલને કબજે કર્યો હતો અને પોલીસે જયદીપ દિનેશભાઈ ડાભી જાતે કોળી (ઉંમર ૨૩) રહે. મયુરનગર બસ સ્ટેશન પાસે વાળાની ધરપકડ કરેલ છે અને તેની પાસેથી મળી આવેલ દારૂની બોટલો અને બિયર તે ક્યાંથી લાવ્યો હતો તે દિશામાં પોલીસે તપાસ શરૂ કરી છે
દેશી દારૂ
હળવદ તાલુકાના કવાડિયા ગામે રહેણાક મકાન પાસે દારૂની રેડ કરવામાં આવી હતી ત્યારે ત્યાંથી દેશી દારૂ બનાવવા માટે ઉપયોગમાં લેવામાં આવતો દોઢસો લીટર આથો મળી આવ્યો હતો જેથી કરીને પોલીસે ૩૦૦ ની કિંમતનો મુદ્દામાલ કબજે કર્યો હતો અને આ માલ મહેશભાઈ ઉર્ફે મલ્લો ખીમજીભાઇ રાતૈયા જાતે કોળી રહે. કવાડિયા વાળાનો હોય તેની સામે ગુનો નોધી પોલીસે તેને પકડવા માટે તજવીજ શરૂ કરી છે
