હળવદની મેરૂપર શાળામાં દૂધ મંડળી દ્વારા વિદ્યાર્થીઓએ માટે આર.ઓ. અર્પણ
SHARE
JOIN OUR GROUP
હળવદની મેરૂપર શાળામાં દૂધ મંડળી દ્વારા વિદ્યાર્થીઓએ માટે આર.ઓ. અર્પણ
શિક્ષણ એ આજનાં સમાજની જરુરિયાત છે વર્તમાન સમયમાં સરકારી શાળા ખાનગી શાળા કરતાં અદકેરી સુવિધાસભર બને એવા ઉમદા આશયથી મેરુપર દૂધ ઉત્પાદક સહકારી મંડળી મેરુપર પે સેન્ટર શાળામાં આગવો સહયોગ પુરો પાડતી રહી છે. ત્યારે મેરુપર શાળાની હરિયાળી જોઈ સૌ કોઇનું ત્યાં મન ઠરે તે નિશ્ચિત છે તેમજ બાળકો અને બગીચાને પાણી મળી રહે તે માટે એક અનામી દાતાએ ૨,૦૦,૦૦૦ નું દાન આપીને શાળામાં બોરની સુવિધા ઉપલબ્ધ કરવી આપી છે જેથી કરીને શાળાના ૫૦૦ વિદ્યાર્થીઓને પીવાના પાણીનો પ્રશ્ન કામી ધોરણે ઉલેકાય ગયેલ છે ત્યારે આ બોરના પાણીને શુદ્ધ કરવા માટે ઈન્ડસ્ટ્રીયલ આર.ઓ પ્લાન્ટ મુકવાની જરુરિયાત જણાઈ હતી જે જરુરિયાતને મેરુપર દૂધ ઉત્પાદક સહકારી મંડળી આગળ આવી હતી અને મંડળીનાં પ્રમુખ વિરમભા ખેર અને મંત્રી શાંતિલાલ બજાણિયા દ્વારા રુપિયા ૧,૦૦,૦૦૦ નો ચેક શાળાને એચ.ડી.એફ.સી બેંક મેનેજર હળવદની હાજરીમાં અર્પણ કરવામાં આવ્યો હતો આ અગાઉ પણ મેરુપર દૂધ ઉત્પાદક સહકારી મંડળી દ્વારા શાળામા સી.સી ટી.વી કેમેરા માટે ૧,૦૦,૦૦૦ નું અનુદાન અને વોટરકુલર માટે ૩૦,૦૦૦ નું અનુદાન મળેલ છે. અને નાના મોટા પ્રસંગોમા મંડળી હમેશા શાળામા રચનાત્મક સહયોગ આપી સેવાનું ઉત્તમ પ્રેરણાદાયી કાર્ય કરતી રહી છે. જેથી શાળાના આચાર્ય સહિતના સ્ટાફે મંડળીનો આભાર વ્યક્ત કર્યો છે
