મોરબીની ત્રાજપર ચોકડી પાસે જુદીજુદી બે જગ્યાએથી બે બાઈકની ચોરી
SHARE
JOIN OUR GROUP
મોરબીની ત્રાજપર ચોકડી પાસે જુદીજુદી બે જગ્યાએથી બે બાઈકની ચોરી
મોરબીની ત્રાજપર ચોકડી પાસે જુદી જુદી બે જગ્યાએ પાર્ક કરવામાં આવેલા બે બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ભોગ બનેલા વ્યક્તિઓ દ્વારા મોરબી સીટી બી ડિવિઝન પોલીસ સ્ટેશન ખાતે બાઈક ચોરીની જુદી જુદી બે ફરિયાદ નોંધાવવામાં આવી છે અને પોલીસે ચોરીના ગુના નોંધીને આરોપીને પકડવા માટે તજવીજ શરૂ કરી છે.
મોરબીના સામાકાંઠા વિસ્તારમાં ત્રાજપર નજીક આવેલ લક્ષ્મીનારાયણ સોસાયટીમાં વર્ધમાન એપાર્ટમેન્ટના બ્લોક નં. ૧૦૧ માં રહેતા હાર્દિકભાઈ ધીરજલાલ મકવાણા જાતે લુહાર (૨૭) એ મોરબી સીટી બી ડિવિઝન પોલીસ સ્ટેશન ખાતે ચોરીની ફરિયાદ નોંધાવી છે જેમાં તેને જણાવ્યું છે કે મોરબીની ત્રાજપર ચોકડી પાસે આવેલ ડાયમંડ એન્જિનિયરિંગ નામના ગોડાઉનની બાજુમાં તેણે પોતાનું બાઈક નં. જીજે ૩૬ એમ ૯૦૦૬ પાર્ક કરીને મૂક્યું હતું જે ૩૦ હજાર રૂપિયાની કિંમતનું બાઈક કોઈ અજાણ્યો શખ્સ ચોરી કરી ગયેલ છે આવી જ રીતે મોરબી નજીકના મહેન્દ્રનગર ગામ પાસે આવેલ ક્રાંતિજ્યોતમાં રહેતા અશ્વિનભાઈ મગનભાઈ પાડલીયા જાતે પટેલ (૩૧) એ બાઈક ચોરીની ફરિયાદ નોંધાવી છે જેમાં તેને જણાવ્યું છે કે ત્રાજપર ચોકડી પાસે આવેલ પટેલ ઓટો ગેરેજની બાજુમાં તેઓએ પોતાનું બાઈક નં, જેજે ૩૬ એબી ૩૯૫૮ પાર્ક કરીને મૂક્યું હતું જે ૫૦ હજાર રૂપિયાની કિંમતનું બાઈકો કોઈ અજાણ્યો શખ્સ ચોરી કરી ગયેલ છે જેથી પોલીસે ચોરીનો ગુનો નોંધીને આરોપીને પકડવા માટે તજવીજ શરૂ કરેલ છે.
