હળવદના ટીકર ગામે વાડી વિસ્તારમાં આધેડને બે શખ્સોએ માર માર્યો
SHARE
JOIN OUR GROUP
હળવદના ટીકર ગામે વાડી વિસ્તારમાં આધેડને બે શખ્સોએ માર માર્યો
હળવદ તાલુકાનાં મિયાણી ગામે રહેતા આધેડને બે શખ્સોએ ટીકર ગામ પાસે આવેલ વાડી વિસ્તારમાં ધોકા વડે અને ઢીકાપાટુનો મારમાર્યો હતો જેથી કરીને ઇજા પામેલા આધેડને સારવાર માટે ખસેડાયા હતા અને સારવાર લીધા પછી તેને બંને શખ્સો વિરુદ્ધ હળવદ તાલુકા પોલીસ સ્ટેશને ફરિયાદ નોંધાવતાં પોલીસે ગુનો નોંધીને આગળની કાર્યવાહી કરેલ છે.
બનાવની જાણવા મળતી માહિતી મુજબ હળવદ તાલુકાના મીયાણી ગામે રહેતા હરખાભાઈ હરજીભાઇ ઝીંઝુવાડીયા (૫૦) એ મિયાણી ગામે રહેતા અક્ષયભાઈ ચતુરભાઈ સાતોલા અને રવિભાઈ રઘુભાઈ મકવાણા સામે હળવદ તાલુકા પોલીસ સ્ટેશને ફરીયાદ નોંધાવી છે જેમાં તેને જણાવ્યુ છે કે, ગત તા.૧૮/૨ ના રોજ સાંજના સાડા પાંચેક વાગ્યાના સમયે આરોપી અક્ષયે લાકડાના ધોકાથી માથા અને શરીરે માર માર્યો હતો અને રવિએ ઢીકાપાટુનો માર્યો હતો જેથી કરીને તેને ઇજા થયેલ હોવાથી સારવારમાં ખસેડાયા હતા અને સારવાર લીધા બાદ તેને બંને શખ્સોની સામે માર માર્યો હોવાની અને ગાળો આપી હોવાની ફરિયાદ નોંધાવી છે જેથી પોલીસે બનનાર આધેડની ફરિયાદ આધારે ગુનો નોંધીને હાલમાં બંને આરોપીઓને ઝડપી લીધા છે અને આગળની કાર્યવાહી હાથ ધરી છે.
