મોરબીની માધપરવાડી શાળામાં જી-૨૦ સમિટ ૨૦૨૩ ની રંગોળી સ્પર્ધા યોજાઈ
Morbi Today
હળવદના કુંભારપરામાં ઘરમાંથી ૭૨ બોટલ દારૂ સાથે એક પકડાયો
SHARE
JOIN OUR GROUP
હળવદના કુંભારપરામાં ઘરમાંથી ૭૨ બોટલ દારૂ સાથે એક પકડાયો
હળવદના કુંભારપરા વિસ્તારમાં મંદિરની પાસે રહેતા શખ્સનાં ઘરની અંદર પોલીસે દારૂની રેડ કરી હતી ત્યારે તેના ઘરની અંદરથી દારૂની જુદી જુદી બ્રાન્ડની કુલ મળીને ૭૨ બોટલ મળી આવી હતી જેથી કરીને પોલીસે ૨૫૫૪૦ રૂપિયાની કિંમતની દારૂની બોટલો સાથે તે શખ્સની ધરપકડ કરીને હળવદ તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી હતી
જાણવા મળતી વિગત પ્રમાણે હળવદ તાલુકાના કુંભારપરા વિસ્તારમાં આવેલ રામદેવપીરના મંદિરની પાસે રહેતા મુકેશભાઈ મુંધવાના ઘરની અંદર દારૂનો જથ્થો હોવાની બાતમી આધારે રેડ કરવામાં આવી હતી ત્યારે ઘરમાંથી દારૂની જુદી જુદી બ્રાન્ડની કુલ મળીને ૭૨ બોટલ મળી આવી હોય પોલીસે ૨૫૫૪૦ ની કિંમતની દારૂની બોટલો કબજે કરી હતી અને ઘરધણી મુકેશભાઇ ઉર્ફે બુટ્ટી રાણાભાઇ મુંધવા જાતે ભરવાડ (૨૮) મળી આવતા પોલીસે તેની ધરપકડ કરી હતી અને તેની સામે હળવદ તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી હતી અને આ શખ્સ પાસેથી મળી આવેલ દારૂની બોટલો ક્યાંથી લાવ્યો હતો અને કોને આપવાનો હતો તે દિશામાં હાલમાં હળવદ તાલુકો પોલીસ દ્વારા તપાસ કરવામાં આવી રહ્યો જાણવા મળ્યું છે
અકસ્માતમાં ઇજા
મોરબી નજીકના અમરેલી ગામે રહેતા શૈલેષભાઈ ઓ. મોરવાડિયા (૩૦) પોતાનું બાઈક લઈને મોરબીના વીસી ફાટક પાસેથી પોતાના ઘર બાજુ જઈ રહ્યા હતા ત્યારે તેઓના બાઈક સાથે અન્ય બાઇક ચાલકે તેનું વાહન અથડાવતા અકસ્માતનો બનાવ બન્યો હતો જેમાં શૈલેષભાઈ મોરવાડિયાને ઇજાઓ થઈ હોવાથી તેને સારવાર માટે મોરબીની આયુષ હોસ્પિટલ ખાતે લઈને ગયા હતા અને અકસ્માતના આ બનાવની હોસ્પિટલ મારફતે મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી
અકસ્માતમાં ઇજા
મોરબીના લીલાપર રોડ ઉપર આવેલ પાર્થ પેપર મિલ પાસે વાહન અકસ્માતનો બનાવ બન્યો હતો જેમાં મોરબીના લીલાપર ગામ પાસે રહેતા યોગેશ ચંપાલાલ નનેમા (૧૮) નામના યુવાનને ઈજા થઈ હોવાથી ઇજાગ્રસ્ત હાલતમાં તેને મોરબીની ખાનગી હોસ્પિટલમાં સારવાર માટે લઈને આવ્યા હતા અને અકસ્માતના આ બનાવની મોરબી સીટી એ ડિવિઝન પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી
