મોરબીના ઝુલતા પુલ કેસમાં જયસુખભાઈ પટેલની વચગાળાના જામીન માટેની અરજીનો સાતમીએ ઓર્ડર
SHARE
JOIN OUR GROUP
મોરબીના ઝુલતા પુલ કેસમાં જયસુખભાઈ પટેલની વચગાળાના જામીન માટેની અરજીનો સાતમીએ ઓર્ડર
મોરબીની ડિસ્ટ્રિક્ટ એન્ડ સેશન્સ કોર્ટમાં જુલતા પુલ દુર્ઘટનામાં પકડાયેલા જયસુખભાઈ પટેલ દ્વારા વચગાળાના જામીન માટે અરજી મુકવામાં આવી હતી જેમાં આજરોજ બંને પક્ષના વકીલની દલીલ પૂર્ણ થયેલ છે અને આગામી તારીખ 7 ના રોજ વચગાળાના જામીન માટે ઓર્ડર કરવામાં આવશે
મોરબીમાં ઝુલતો પુલ તૂટી પડ્યો હતો તે દુર્ઘટના માં કુલ મળીને 135 લોકોના મોતની નિપજયા હતા જે બનાવ સંદર્ભે બી ડિવિઝન પોલીસ સ્ટેશન ખાતે નોંધાયેલ ફરિયાદ આધારે પોલીસે જયસુખભાઇ પટેલ સહિત કુલ મળીને 10 આરોપીઓને પકડ્યા છે અને તે તમામ આરોપીઓ હાલમાં મોરબીની સબ જેલમાં છે દરમિયાન જયસુખભાઈ પટેલના ઓરેવા ગ્રુપ દ્વારા મૃતકો તથા ઇજાગ્રસ્તોને વચગાળાનું વળતર ચૂકવવા માટેની તૈયારી બતાવવામાં આવી હતી જેથી કરીને હાઇકોર્ટે એક મહિનાની અંદર તે વળતરની રકમ ચૂકવવા માટે તેને કહ્યું છે અને આ રકમ ચૂકવવા માટે થઈને જયસુખભાઈ પટેલ દ્વારા તેના વકીલ મારફતે મોરબીની ડિસ્ટ્રિક્ટ એન્ડ સેશન્સ કોર્ટ ની અંદર વચગાળાના જામીન માટે થઈને અરજી મૂકી હતી
જેની આજરોજ સુનાવણી હોય જયસુખભાઈ પટેલના વકીલ દ્વારા જુદી જુદી કોર્ટના ચુકાદાઓ રજૂ કરવામાં આવ્યા હતા અને તેઓને વળતરની રકમ ચૂકવવા માટે થઈને જેલમાંથી 15થી 20 દિવસના વચગાળાના જામીન આપવામાં આવે તેવી દલીલ કરવામાં આવી હતી તો સામા પક્ષેથી સરકારી વકીલ એવી દલીલ કરી હતી કે દુર્ઘટના બન્યા બાદ ત્રણ મહિના સુધી જયસુખભાઈ પટેલ ફરાર હતા અને એક મહિનાથી તે મોરબીની સબ જેલમાં છે અને તેમ છતાં પણ તેઓની ઓરેવા ગ્રુપ કંપની ચાલુ છે જોકે તેને હજુ સુધી કોઈને કોઈ પણ પ્રકારની વળતરની રકમ ચૂકવી નથી માટે તે પહેલા વળતરની રકમ ચૂકવીને ત્યારબાદ જામીન માટે અરજી કરે તેવી દલીલ સરકારી વકીલ દ્વારા કરવામાં આવી હતી અને આગામી 7 તારીખના રોજ કોર્ટ ઓર્ડર કરશે આ કેસમાં ભોગ બનેલા વ્યક્તિઓના વકીલ તરીકે રોકાયેલા રાજકોટના નરેન્દ્રસિંહ જાડેજા તથા મોરબીના દિલીપભાઈ અગેચાણીયા દ્વારા પણ વાંધાઓ રજૂ કરવામાં આવ્યા હતા જેને પણ કોર્ટ દ્વારા ધ્યાને લેવામાં આવશે
