મોરબીના આલાપ રોડે કપડાંની દુકાનમાં ચોરી: ઘટના સીસીટીવીમાં કેદ

મોરબીના આલાપ રોડ ઉપર આવેલ કપડાની દુકાનમાં ખરીદી કરવાના બહાને આવેલ મહિલા દ્વારા ચોરી કરવામાં આવી હતી અને કપડાં ચોરતી ગેંગ સક્રિય હોવાનું સામે આવી રહ્યું છે ત્યારે દુકાનમાં વેપારીની નજર ચૂકવીને ચોરી કરતી આ મહિલા હાલમાં દુકાનમાં મૂકવામાં આવેલ સીસીટીવી કેમેરામાં કેદ થઈ ગયેલ છે જો કે, હજુ સુધી આ બાબતે કોઈ ફરિયાદ નોંધાયેલ નથી

સૂત્રો પાસેથી મળતી માહિતી મુજબ મોરબીના આલાપ રોડ ઉપર આવેલ દુકાનોમાં કપડાની ચોરતી મહિલા સીસીટીવીમાં કેદ થયેલ છે જેથી કરીને માહિતી આપતા વેપારીએ જણાવ્યુ હતુ કે, નિરાલી સિલેક્શન નામની કપડાની દુકાનમા ખરીદી કરવાના બહાને આવેલ મહિલા દ્વારા વેપારીની નજર ચૂકવીને કપડાની ચોરી કરવામાં આવી છે અને વેપારી બહાર જાય છે ત્યારે આ મહિલા દુકાનના ટેબલના ખાનામાંથી રૂપિયાની ચોરી કરવાનો પ્રયાસ કરે છે. જે સીસીટીવીમાં દેખાઈ છે હાલમાં આ મહિલા દુકાનમાંથી પછી રૂપિયા આપી દઇશ તેવું કહીને પાંચ હજારની કિંમતના કપડાની ચોરી કરી ગયેલ છે અને દુકાનદાર વિનુભાઇ વિડજાના કહેવા મુજબ મહિલાને પોલીસને હવાલે કરવામાં આવેલ છે અને તેની સામે કાયદેસરની કાર્યવાહી કરવાની તેઓએ રજૂઆત કરેલ છે