હળવદમાં ઘર પાસેથી એકલી જતી યુવતીની લાજ લૂંટવાનો પ્રયાસ: બે શખ્સોની ધરપકડ
Morbi Today
હળવદના સાપકડામાં વૃદ્ધની જમીન પચાવી પાડનારા ચાર શખ્સોની સામે લેન્ડ ગ્રેબિંગની ફરિયાદ
SHARE
JOIN OUR GROUP
હળવદના સાપકડામાં વૃદ્ધની જમીન પચાવી પાડનારા ચાર શખ્સોની સામે લેન્ડ ગ્રેબિંગની ફરિયાદ
હળવદ તાલુકાના સાપકડા ગામે રહેતા વૃદ્ધની માલિકીની જમીન ઉપર બળજબરી પૂર્વક દબાણ કરવામાં આવ્યું છે અને જમીન પચાવી પાડવામા આવી છે જેથી વૃદ્ધે તેની જમન પરત આપવા માટે થઈને કહ્યું હતું ત્યારે આરોપીઓએ તેની સાથે બોલાચાલી કરીને જાનથી મારી નાખવાની ધમકી આપી હતી જેથી કરીને ભોગ બનેલા વૃદ્ધ દ્વારા હળવદ તાલુકા પોલીસ સ્ટેશન ખાતે સાપકડા ગામના ચાર શખ્સોની સામે લેન્ડ ગ્રાબિંગની ફરિયાદ નોંધાવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે.
જાણવા મળતી માહિતી મુજબ હળવદ તાલુકાના સાપકડા ગામે રહેતા અને મજૂરી કામ કરતા પ્રભુભાઈ મગનભાઈ ચાવડા જાતે દલવાડી (૬૧)એ હળવદ તાલુકા પોલીસ સ્ટેશન ખાતે હરીશભાઈ દલુભાઈ ચાવડા, પ્રકાશભાઈ હરીશભાઈ ચાવડા, ભાવેશભાઈ હરીશભાઈ ચાવડા અને દલુભાઈ ચતુરભાઈ ચાવડા રહે. તમામ સાપકડા વાળાની સામે લેન્ડ ગ્રેબિંગની ફરિયાદ નોંધાવેલ છે જેમાં તેણે જણાવ્યું છે કે, સાપકડા ગામે સર્વે નંબર ૭૪૫ ની જમીન હે.આર.ચો.મી. ૦-૩૨-૩૭ જમીન તથા સર્વ નં.૭૪૬ ની જમીન હે.આર.ચો.મી. ૦-૬૩-૭૪ ની ખાતા નં.૨૫ વાળી વારસાઈ જમીનમાં સંપુર્ણ પણે બળજબરીપૂર્વક ગેરકાયદેસર કબજો કરીને જમીન પચાવી પાડવામાં આવેલ છે જે જમીન પરત આપવા માટે થઈને ફરિયાદી વૃદ્ધે આરોપીઓને કહ્યું હતું ત્યારે આરોપીઓએ તેની સાથે બોલાચાલિત કરી ઝઘડો કરીને જાનથી મારી નાખવાની ધમકી આપી હતી અને હજુ પણ તે જમીન ઉપર આરોપીઓ દ્વારા કબજો ચાલુ રાખવામાં આવેલ છે જેથી ભોગ બનેલા વૃદ્ધ દ્વારા હળવદ તાલુકા પોલીસ સ્ટેશન ખાતે લેન્ડ ગ્રેબિંગની ફરિયાદ નોંધવામાં આવતા પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે.
ત્રણ બીયર
વાંકાનેરની અરુણોદયનગર સોસાયટીના નાકા પાસેથી પસાર થતા શખ્સને રોકીને પોલીસે ચેક કરતા તેની પાસેથી બીયરના ત્રણ ટીન મળી આવ્યા હતા જેથી પોલીસે ૩૦૦ ની કિંમતના બિયર સાથે અમનભાઈ તસીરભાઈ પારા જાતે સંધિ (૨૦) રહે. વીસીપરા ચોક વાંકાનેર વાળાની ધરપકડ કરેલ છે.
