હળવદમાં પત્ની સાથે બોલાચાલી બાદ રેલવેની ઇલેક્ટ્રીક લાઇન ઉપર ચડી ગયેલ યુવાનને શોટ લગતા સારવારમાં મોત
SHARE
JOIN OUR GROUP
હળવદમાં પત્ની સાથે બોલાચાલી બાદ રેલવેની ઇલેક્ટ્રીક લાઇન ઉપર ચડી ગયેલ યુવાનને શોટ લગતા સારવારમાં મોત
હળવદના ભવાનીનગર ઢોરામાં રહેતા યુવાનને તેની પત્ની સાથે ઘરકામ બાબતે સામાન્ય બોલાચાલી થઈ હતી જેથી કરીને લાગી આવતા તે ઘરની નજીકથી નીકળતી રેલવે ઈલેક્ટ્રીક લાઈનના થાંભલા ઉપર ચડી ગયો હતો ત્યારે તે યુવાનને ઇલેક્ટ્રીક શોટ લાગ્યો હતો જેથી કરીને થાંભલા ઉપરથી નીચે પડતા તેને નાના મોટી ઈજા થઈ હોવાથી તેને સારવારમાં લઈ ગયા હતા તેને સારવાર દરમિયાન તેનું મોત નીપજયું હતું જેથી આ બનાવની હળવદ તાલુકા પોલીસે નોંધ કરીને રાબેતા મુજબની કાર્યવાહી હાથ ધરી છે.
જાણવા મળતી વિગત પ્રમાણે હળવદમાં આવેલ ભવાનીનગર ઢોરા વિસ્તારમાં રહેતા મનસુખભાઈ બાબુભાઈ વાઘેલા જાતે દેવીપુજક (૩૦) થોડા દિવસો પહેલા ભવાનીનગર ઢોરા પાસેથી પસાર થતી રેલવેની ઇલેક્ટ્રીક લાઈનના થાંભલા ઉપર ચડી જતા તેને ઇલેક્ટ્રીક શોટ લાગ્યો હતો જેથી કરીને મનસુખભાઈ થાંભલા ઉપરથી નીચે પટકાતા તેને શરીરે નાના મોટી ઈજાઓ થઈ હતી જેથી તેને તાત્કાલિક સારવાર માટે હોસ્પિટલ લઈ ગયા હતા અને સારવાર દરમિયાન તેનું મોત નીપજ્યું હતું જેથી આ બનાવ અંગેની કરસનભાઈ સુરાભાઈ વાઘેલા જાતે દેવીપુજક (૪૦)એ હળવદ તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની આગળની તપાસ હળવદ તાલુકા પોલીસ સ્ટેશનના બી.એમ.આલ ચલાવી રહ્યા છે અને પોલીસના કહેવા મુજબ મૃતક યુવાનને ઘરકામ બાબતે તેની પત્ની સાથે બોલાચાલી થઈ હતી જેથી કરીને લાગી આવતા તે પોતાની જાતે તેના ઘર પાસેથી પસાર થતી રેલવેની ઇલેક્ટ્રીક લાઈનના થાંભલા ઉપર ચડી ગયો હતો અને તેને શૉટ લાગતા નીચે પડવાથી ઇજાઓ થઈ હતી અને ઇજાગ્રસ્ત હાલતમાં સારવાર દરમિયાન તેનું મોત નિપજ્યું છે જેથી કરીને પોલીસે આગળની રાબેતા મુજબની કાર્યવાહી હાથ ધરી છે.
