મોરબીના સોખડા નજીક બાઇક સ્લીપ થતાં માથા-મોઢામાં ઇજા થતાં યુવાનનું મોત
Morbi Today
હળવદના ભવાનીનગર ઢોરામાં બે મહિલા સહિત છ વ્યક્તિને પાઇપ વડે માર માર્યો
SHARE
JOIN OUR GROUP
હળવદના ભવાનીનગર ઢોરામાં બે મહિલા સહિત છ વ્યક્તિને પાઇપ વડે માર માર્યો
હળવદના ભવાનીનગર ઢોરા વિસ્તારમાં થયેલ મારામારીના બનાવવામાં હાલમાં હળવદ ખાતે વળતી ફરિયાદ નોંધાય છે અને ત્રણ શખ્સોએ ગાળો આપી બોલાચાલી કરીને પાઇપ વડે માર માર્યો હોવા અંગેની ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરી હતી અને હાલમાં ત્રણ પૈકીના બે આરોપીને પકડી લીધા છે
બનાવની જાણવા મળતી માહિતી પ્રમાણે હળવદના ભવાનીનગર ઢોરા વિસ્તારમાં રહેતા મુન્નાભાઈ સોમાભાઈ જખાણીયા જાતે દેવીપુજક (૨૩)એ હાલમાં કૂકાભાઇ કરમશીભાઈ જખાણીયા, વગાભાઈ કરમશીભાઈ જખાણીયા અને અરજણભાઈ કરમશીભાઈ જખાણીયા રહે. ત્રણેય ભવાનીનગર ઢોરા વિસ્તાર હળવદ વાળાની સામે મારામારી અંગેની ફરિયાદ નોંધાવી છે જેમાં તેને જણાવ્યુ છે કે, ધારશીભાઈની દીકરીના લગ્ન હોવાથી તેઓને પૈસાની જરૂર હોય તેઓએ કુકાભાઈ જખાણીયા પાસેથી ઉછીના પૈસા લીધા હતા જે પૈસા પરત આપી દીધેલ હોવા છતાં આરોપીએ વધુ પૈસાની માંગણી કરી હતી અને ધારશીભાઈ સાથે બોલાચાલી કરી તેને પેટના ભાગે બે પાટુ માર્યા હતા જેથી ફરિયાદી યુવાન તેને સમજાવવા માટે જતા તેને ગાળો આપી તેની સાથે ઝઘડો કરી ઉશ્કેરાઈ જઈને વગાભાઈ કરમશીભાઈ જખાણીયાએ ફરિયાદીને પાઇપ વડે માથામાં માર માર્યો હતો તેમજ બચુભાઈ, ગગજીભાઈ, વિરમભાઈ, કનીબેન અને લાભુબેનને પાઇપ વડે માર મારીને ઇજા કરી હતી જેથી કરીને ઈજાગ્રસ્તોને સારવારમાં ખસેડવામાં આવ્યા હતા અને સારવાર લીધા બાદ મુન્નાભાઈએ નોંધાવેલ ફરિયાદ આધારે પોલીસે ગુનો નોંધીને આ કેસમાં આરોપી કુકાભાઈ કરમશીભાઈ જખાણીયા અને અરજણભાઈ કરમશીભાઈ જખાણીયાની ધરપકડ કરેલ છે તેમજ વગાભાઈ કરમશીભાઈ જખાણીયાને પકડવા માટે તજવીજ ચાલી રહી છે
