મોરબીમાં પ્રેમલગ્ન કરનાર યુવાનની પત્નીને સાસરિયાંએ ન મોકલતા અંતિમ પગલું ભર્યું

મોરબીમાં વાવડી રોડ ઉપર આવેલ ભૂમિ ટાવર પાસેના ઓમ શાંતિ પાર્કમાં રહેતા અને દસ્તાવેજનું કામ કરતા યુવને પ્રેમલગ્ન કર્યા હતા અને તેની પત્નીને સાસરિયાં મોકલતા ન હતા જેથી કરીને યુવાને ગળાફાંસો ખાઈને આપઘાત કરી લીધો છે અને પોલીસે મૃતક યુવાનની સ્યૂસાઇડ નોટ પણ કબજે કરી હોવાનું જાણવા મળેલ છે

જાણવા મળતી માહિતી મુજબ મોરબીના વાવડી રોડ ઉપર આવેલ ભૂમિ ટાવર પાસેના ઓમ શાંતિ પાર્કમાં રહેતા રાહુલભાઈ કિશોરભાઈ સોલંકી (૨૭) નામના યુવને પોતાના ઘરે ગળેફાંસો ખાઈને આપઘાત કરી લીધો છે જેથી કરીને તેની ડેડબોડીને સિવિલે ખસેડીને આ બનાવની મોરબી એ ડિવિઝન પોલીસને જાણ કરવામાં આવી હતી અને આ બનાવ અંગે મળતી માહિતી મુજબ મૃતક રાહુલ પાસેથી એક સ્યૂસાઇડ નોટ મળી આવી છે. જેમાં તેને લખ્યું છે કે, તે દસ્તાવેજનું કામ કરતો હતો અને તેને અગાઉ તેનાથી અલગ જ્ઞાતિની યુવતી સાથે પ્રેમસંબંધ હતો. અને પછી તે યુવતી સાથે કોર્ટમાં લવમેરેજ કરી લીધા હતા. જો કે, યુવાન તે યુવતીને તેના ઘરે મૂકી આવ્યો હતો અને યુવકને એમ હતું કે, યુવતીના કાયદેસર લગ્ન કર્યા હોય હવે તેના પરિવારજનો બીજે લગ્ન નહિ કરે અને સમય જતાં બધું ભુલાઈ જશે અને યુવતીને પોતાના ઘરે મોકલી દેશે. જો કે, યુવતીના પરિવારજનોને પ્રેમલગ્નની ખબર પડતાં યુવકની અલગ જ્ઞાતિ હોવાથી યુવતીને યુવકના ઘરે મોકલતા ન હતા જેથી પ્રેમભગ્ન કરનારા યુવાને અંતિમ પગલું ભરી લીધેલ છે