હળવદના રણછોડગઢ ગામે વાડીની ઓરડીમાં જુગાર રમતા 7 જુગારી 5.20લાખની રોકડા સાથે પકડાયા
Morbi Today
હળવદના કોયબા ઢવાણા સર્જાયેલ અકસ્માતમાં ઇજા પામેલા યુવાનનું મોત: ગુનો નોંધાયો
SHARE
JOIN OUR GROUP
હળવદના કોયબા ઢવાણા સર્જાયેલ અકસ્માતમાં ઇજા પામેલા યુવાનનું મોત: ગુનો નોંધાયો
હળવદ તાલુકાના કવાડીયા ગામે રહેતા બે યુવાનો ચિત્રોડી ગામે માતાજીના પ્રસંગમાં બાઈક લઈને જઈ રહ્યા હતા ત્યારે અકસ્માતે કોયબા ઢવાણા રોડ ઉપર મેલડી માતાજીના મંદિર પાસે બાઈક ચાલક યુવાને બાઈકના સ્ટેરીંગ ઉપરથી કાબુ ગુમાવ્યો હતો જેથી કરીને બાઈક ઉપર બેઠેલા બંને યુવાનો બાઇક સાથે ઢસડાયા હતા અને સામેથી આવતી બોલેરો ગાડી સાથે અથડાયા હતા જેથી કરીને બને યુવાનોને ઇજા થઇ હોવાથી પ્રથમ સારવાર માટે હળવદ અને ત્યાંથી વધુ સારવાર માટે સુરેન્દ્રનગર સુધી લઈ ગયા હતા અને ત્યાં સારવાર દરમિયાન એક યુવાનનું મૃત્યુ નીપજ્યું હતું જેથી કરીને મૃતક યુવાનના પિતા દ્વારા બાઇક ચાલકની સામે હળવદ તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે
હળવદ તાલુકાના કવાડિયા ગામે રહેતા ભરતભાઈ વેરશીભાઈ સિહોરા જાતે કોળી (૫૧) નો દીકરો દિનેશ ભરતભાઈ સિહોરા જાતે કોળી (૨૮) અને તે જ ગામના રહેવાસી જીવણભાઈ ચંદુભાઈ સિહોરા બંને બાઈક નંબર જીજે ૩૬ એઇ ૧૮૧૨ લઈને ચિત્રોડી ગામે માતાજીના પ્રસંગમાં જતા હતા ત્યારે જીવણભાઈ ચંદુભાઈ મોટરસાયકલ ચલાવતા હતા અને દિનેશભાઈ પાછળના ભાગે બેઠા હતા દરમિયાન કોયબા ઢવાણા રોડે મેલડી માતાના મંદિરથી આગળના ભાગમાં નાલા પાસે પહોંચતા ત્યાં બાઈકના સ્ટેરીંગ ઉપરથી જીવણભાઈએ કાબુ ગુમાવી દેતા બાઈક સ્લીપ થઈ ગયું હતું અને ત્યારે બાઈક ઢસડાતા સામેના ભાગેથી આવતી બોલેરો ગાડી સાથે અથડાયું હતું અને આ બનાવમાં બંને ઇજાગ્રસ્તોને ગંભીર ઇજા થયેલ હોવાથી તાત્કાલિક સારવાર માટે હળવદની સરકારી હોસ્પિટલ ખાતે લઈને આવ્યા હતા અને ત્યાંથી બંને ઇજાગ્રસ્તોને સારવાર માટે સુરેન્દ્રનગર ખાતે લઈ ગયા હતા અને સુરેન્દ્રનગરની સી.યુ. શાહ હોસ્પિટલમાં સારવાર દરમિયાન ગત તા. ૧૬/૬/૨૩ ના રોજ ફરિયાદીના દીકરા દિનેશભાઈ ભરતભાઈ સિહોરા (૨૮)નું સારવાર દરમિયાન મોત નીપજ્યું હતું જેથી આ બનાવ સંદર્ભે મૃતકના પિતાએ હાલમાં બાઇક ચાલક જીવણભાઈ ચંદુભાઈ સિહોરા સામે હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે
