મોરબીના મહેન્દ્રનગર પાસે શિવ કોમ્પલેક્ષ નજીકથી દેશી બનાવટની પિસ્તોલ સાથે એક શખ્સ ઝડપાયો
Morbi Today
હળવદના રાતાભેર પાસેથી ૫૮ બોટલ દારૂ ભરેલ કાર સાથે એક પડકાયો, બેની શોધખોળ: ૩.૨૧ લાખનો મુદામાલ કબજે
SHARE
JOIN OUR GROUP
હળવદના રાતાભેર પાસેથી ૫૮ બોટલ દારૂ ભરેલ કાર સાથે એક પડકાયો, બેની શોધખોળ: ૩.૨૧ લાખનો મુદામાલ કબજે
હળવદ તાલુકાના રાતાભેર ગામના પાદરથી નીચીમાંડલ ગામ તરફ જવાના રસ્તા ઉપરથી સ્વીફ્ટ ગાડી પસાર થઈ રહી હતી જે ગાડીને રોકીને પોલીસે ચેક કરતા તેમાંથી દારૂની જુદી જુદી બ્રાન્ડની ૫૮ બોટલો મળી આવી હતી જેથી કરીને પોલીસે દારૂ અને ગાડી મળીને ૩,૨૧,૭૫૦ નો મુદ્દામાલ કબજે કર્યો હતો અને એક શખ્સની ધરપકડ કરેલ છે જો કે, ગાડીમાં બેઠેલ એક શખ્સ નાસી ગયો હોવાથી તેને અને ગાડીમાં દારૂ ભરી આપનારને પકડવા માટે હાલમાં પોલીસ દ્વારા તજવીજ કરવામાં આવી છે
બનાવની જાણવા મળતી માહિતી મુજબ હળવદ તાલુકા પોલીસની ટીમ પેટ્રોલિંગમાં હતી ત્યારે હળવદ તાલુકાના રાતાભેર ગામના પાદરમાંથી નીચી માંડલ ગામ તરફ જવાના રસ્તા ઉપરથી સ્વીફ્ટ ગાડી નંબર જીજે ૩૬ આર ૬૨૯૧ પસાર થઈ રહી હતી ત્યારે તે ગાડીને રોકીને પોલીસે ચેક કરતા તેમાંથી દારૂની જુદી જુદી બ્રાન્ડની કુલ મળીને ૫૮ બોટલો મળી આવી હોય પોલીસે ૨૧,૭૫૦ નો દારૂનો જથ્થો તથા ત્રણ લાખ રૂપિયાની કિંમતની કાર આમ કુલ મળીને ૩,૨૧,૭૫૦ નો મુદ્દામાલ કબજે કર્યો હતો અને ગાડીમાં બે બેઠેલા બે શખ્સોમાંથી અરવિંદભાઈ જીવણભાઈ આકરીયા જાતે કોળી (૨૧) રહે. ડુંગરપુર તાલુકો હળવદ વાળાની ધરપકડ કરેલ છે અને રેડ દરમિયાન ધર્મેન્દ્રભાઈ ઉર્ફે ધમો કરસનભાઈ ધામેચા જાતે કોળી રહે સુરવદર તાલુકો હળવદ વાળો નાસી ગયો હોય તેની સામે પણ ગુનો નોંધી તેને પકડવા માટે તજવીજ શરૂ કરેલ છે અને પકડાયેલા આરોપી પાસેથી મળેલ હકીકત મુજબ પીન્ટુભાઇ અશોકભાઈ બોરાણીયા જાતે કોળી રહે. માથક તાલુકો હળવદ વાળા પાસેથી દારૂનો જથ્થો તેમને મળ્યો હોય તેની સામે ગુનો નોંધી તેને પણ પકડવા માટે તજવીજ શરૂ કરવામાં આવી છે
દેશી દારૂ
હળવદ તાલુકાના રાયધ્રા ગામની સીમમાં ગોવિંદભાઈ નંદેસરીયાના ભોગવટા વાળી પડતર જગ્યામાં બાવળની જાળી વચ્ચે દારૂનો જથ્થો હોવાની બાતમી મળી હતી જેના આધારે સ્થાનિક પોલીસ દ્વારા ત્યાં દારૂની રેડ કરવામાં આવતા સ્થળ ઉપરથી દેશી દારૂ બનાવવા માટે ઉપયોગમાં લેવામાં આવતો ૨૦૦ લીટર આથો મળી આવ્યો હોય પોલીસે ૪૦૦ રૂપિયાની કિંમતનો મુદ્દામાલ કબજે કરીને આરોપી ગોવિંદભાઈ લાલજીભાઈ નંદેસરિયા જાતે કોળી (૩૨) રહે. રાયધ્રા તાલુકો હળવદ વાળાની ધરપકડ કરી તેની સામે ગુનો નોંધી આગળની કાર્યવાહી હાથ ધરી છે
