હળવદના શક્તિનગર પાસે બાઇક સ્લીપ થતાં માથામાં ઇજા પામેલા યુવાનનું મોત

હળવદ ધાંગધ્રા હાઇવે ઉપર આવેલ શક્તિનગર ગામથી હળવદ તરફ આવતા પુલ પાસે કોઈ કારણોસર બાઈક સ્લીપ થઈ ગયું હતું જેથી કરીને બાઈક લઈને જઈ રહેલા યુવાનને માથાના ભાગે ગંભીર ઇજા થઈ હતી અને તેનું મોત નીપજયું હતું જેથી આ બનાવની મૃતક યુવાનના ભાઈએ હળવદ તાલુકા પોલીસને જાણ કરી હતી જેના આધારે પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી

બનાવની જાણવા મળતી માહિતી મુજબ ધાંગધ્રા તાલુકાના કંકાવટી ગામે રહેતા કાંતિભાઈ જેસીંગભાઇ ઝિંઝવાડીયા (૩૮) નામનો યુવાન હળવદ ધાંગધ્રા હાઇવે ઉપર આવેલ શક્તિનગર ગામથી હળવદ તરફ આવતા પૂલ બાજુ આવી રહ્યો હતો દરમિયાન તેનું બાઈક નંબર જીજે ૧૩ બીડી ૧૮૦૩ કોઈપણ કારણોસર રસ્તા ઉપર સ્લીપ થયું હતું જેથી કરીને બાઈક ચાલક કાંતિભાઈ ઝીંઝવાડીયાને માથાના ભાગે ગંભીર ઇજા થઈ હતી જેથી કરીને તેને સારવાર માટે લઈને આવ્યા હતા અને સારવાર દરમિયાન તેનું મોત નીપજયું હતું જેથી અકસ્માત મૃત્યુના આ બનાવની મૃતકના ભાઈ જગદીશભાઈ જેસીંગભાઇ ઝીંઝવાડીયા (૪૨) રહે. કંકાવટી તાલુકો ધાંગધ્રા વાળાએ હળવદ તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી