મોરબી : શાળા નંબર-૪ હળવદ ખાતે સીઆરસી કક્ષાનો ગણિત-વિજ્ઞાન મેળો યોજાયો
SHARE
JOIN OUR GROUP
મોરબી : શાળા નંબર-૪ હળવદ ખાતે સીઆરસી કક્ષાનો ગણિત-વિજ્ઞાન મેળો યોજાયો
હળવદ- મોરબી દરવાજા બહાર આવેલ સરકારી શાળા નંબર-૪ ખાતે સીઆરસી કક્ષાના ગણિત-વિજ્ઞાન મેળાનું વૈજ્ઞાનિક દ્રષ્ટિકોણથી આયોજન થયું હતું.સમગ્ર કાર્યક્રમની સુંદર શરૂઆત સમૂહ પ્રાર્થનાથી થઈ ત્યાર બાદ શાળાના આચાર્ય રાજેશભાઈ જાકાસણીયા, સીઆરસી કેતનભાઈ પટેલ તથા ગણિત-વિજ્ઞાનના શિક્ષકો દ્વારા રિબિન કાપી કાર્યક્રમને ખુલ્લો મુકાયો હતો.વિજ્ઞાન મેળો કુલ ૫ વિભાગમાં યોજાયો હતો જેમાં સરકારી અને ખાનગી શાળાના મળીને કુલ ૧૨ જેટલી શાળાઓએ વિવિધ વિભાગોમાં ભાગ લીધો હતો.જેમાં આશરે કુલ ૧૮ જેટલા વિવિધ વિજ્ઞાનના પ્રોજેક્ટ રજૂ કરવામાં આવ્યા હતા.જેમાં હાઇડ્રોપોનિક્સ ખેતી, સોલાર ટ્રેકર, મોડર્ન ડિફેન્સ સ્ટિક, સેફ્ટીકાર ડ્રાયવિંગ મોડેલ, રિવર ક્લિનિંગ બોટ, હાઇડ્રોલિક બ્રિજ, સ્મોકિંગ મોડેલ, રેઇન વૉટર હાર્વેસ્ટિંગ જેવા વિવિધ ગાણિતિક અને વૈજ્ઞાનિક મોડેલો બાળ વૈજ્ઞાનિકો દ્વારા રજૂ થયા હતા જે અંતર્ગત નિર્ણાયક તરીકે રાજેશભાઇ, ચેતનભાઇ તથા હરદેવસિંહએ સુંદર ભૂમિકા ભજવી હતી.આમ સીઆરસી કક્ષાનો બાળ વિજ્ઞાન મેળાનું સુંદર અને સફળ રીતે આયોજન સંપન્ન થયું હતું
