મોરબી :માળીયા (મીં) ના જુના ઘાંટીલા ગામે પગપાળા જતા યુવાનને ટ્રેકટર હડફેટે ઈજા મોરબીમાં કબૂતર પકડવા ગયેલા 12 વર્ષના બાળકને થાંભલામાંથી વિજ કરંટ લાગ્યો : મોત મોરબીના પીપળી રોડે થયેલ અકસ્માતમાં મૃતક સામે નોંધાઇ ફરીયાદ, માળિયા (મી)ના વીરવિદરકા ગામ પાસેના અકસ્માતમાં મૃતક સામે નોંધાઇ ફરીયાદ મોરબી પાંજરાપોળ દ્રારા પ્રાકૃતિક ગૌ આધારિત કૃષિ, ઝેર મુક્ત જીવન, ગૌશાળા સ્વાવલંબી બને તેવા ઉદ્દેશ્ય સાથે શનિવારે વિશેષ ચર્ચા સભા સરકારે વીજપોલના વળતર માટે જાહેર કરેલ નવી નીતિના પરિપત્રનો ખુલ્લો વિરોધ: મોરબીમાં પદયાત્રા યોજીને કલેકટરને આવેદનપત્ર પાઠવ્યું મોરબી : માળિયા સામુહિક આરોગ્ય કેન્દ્રમાં સ્ટાફની ભારે અછત, મંજૂર થયેલી ૪૬ જગ્યાઓમાંથી માત્ર ૨૭ જગ્યાઓ ઉપર જ સ્ટાફ કાર્યરત ! વાંકાનેરના દેરાળા ગામ પાસે ચેકડેમમાં નાહવા પડેલ યુવાનનું પાણીમાં ડૂબી જવાથી મોત મોરબી નજીક કારખાનામાં ચાલુ વીજ લાઈનને કટ કરીને 40,000 ના કેબલ વાયરની ચોરી

Breaking news

Morbi Today

મોરબીના રાજકોટ હાઇવે ઉપર બાઈક સાથે ખુંટીયો અથડાતા ઇજા પામેલ યુવાન સારવારમાં ખસેડાયો

22-09-2023 11:15 AM

મોરબી રાજકોટ હાઇવે ઉપર આવેલા કારખાના નજીક વાહન અકસ્માત બનાવ સર્જાયો હતો જેમાં બાઈક સાથે ખૂંટીયો અથડાવવાના બનેલ બનાવમાં ઇજા પામેલ લજાઈ ગામના યુવાનને સારવારમાં ખસેડાયો હતો.

બનાવની જાણવા મળતી વિગતો મુજબ મોરબીના રાજકોટ હાઇવે ઉપર એટોપ પાસે વાહન અકસ્માતનો બનાવ સર્જાયો હતો જેમાં ટંકારા તાલુકાના લજાઈ ગામના વતની ગોવિંદ હીરાભાઈ કોળી નામના ૨૫ વર્ષના યુવાનને ઇજાઓ થતા અત્રેની સિવિલે સારવારમાં લાવવામાં આવ્યો હતો જેને પગલે ત્યાં તેની સારવાર ચાલુ કરવામાં આવ્યા બાદ આ બનાવ અંગે મોરબી એ ડિવિઝન પોલીસમાં જાણ કરવામાં આવી હતી અને બનાવને પગલે ઈન્વે. અધિકારી વિ.કે.પટેલ દ્વારા તપાસ કરવામાં આવી હતી.જેમાં સામે આવ્યું હતું કે ગોવિંદભાઈ બાઈક લઈને જતા હતા ત્યારે તેઓના બાઈક સાથે ખુંટીયો અથડાયો હતો અને તે બનાવમાં તેઓને ઈજા થતા હાલ સારવારમાં ખસેડાયા છે.

વાહન અકસ્માતમાં વૃદ્ધાને ઇજા

મોરબીના શક્તિ ચોક પાસે વાહન અકસ્માતમાં ઇજા થતા વૃદ્ધાને સારવારમાં ખસેડાયા હતા.મોરબીના સામાકાંઠે ગુજરાત હાઉસિંગ બોર્ડ પાછળ આવેલી સૂર્યર્કિર્તિ સોસાયટીમાં રહેતા મધુબેન મગનભાઈ પારસાણીયા નામના ૮૦ વર્ષના વૃદ્ધા બાઈકમાં બેસીને મોરબીના ગેસ્ટ હાઉસ રોડના નાકે આવેલ શક્તિ ચોક પાસેથી જતા હતા ત્યારે રસ્તામાં તેઓનું બાઈક સ્લીપ થઈ ગયું હતું અને બાઈકમાંથી પડી જવાથી મધુબેન નામના વૃદ્ધાને ઈજાઓ થયેલ હોય તેમને ખાનગી હોસ્પિટલે સારવાર માટે લઈ જવાયા હોવાનું પોલીસ સૂત્રોએ જણાવ્યું હતું.

બાળક સારવારમાં

જામનગરના જોડિયા તાલુકામાં આવેલા દુધઈ આમરણ ગામે રહેતા પરિવારનો અનિલ નરવતભાઈ બામણીયા નામનો છ વર્ષનો બાળક તેના ઘર પાસે રમી રહ્યો હતો ત્યારે અજાણ્યા વાહન ચાલકે તેને હડફેટે લેતા ઇજાઓ પામતા તેને સારવાર માટે મોરબીની સિવિલ હોસ્પિટલે લાવવામાં આવ્યો હતો અને અહીં પ્રાથમિક સારવાર આપીને તેને વધુ સારવાર માટે હાલ રાજકોટ લઈ જવાયો હોવાનું જાણવા મળે છે.

મારામારીમાં ઈજા થતાં સારવારમાં

મોરબીના શનાળા-કંડલા બાયપાસ ઉપર આવેલા કામઘેનું પાર્ટી પ્લોટ પાસે ૨૫ વારીયા વિસ્તારમાં મારામારીનો બનાવ બન્યો હતો.જેમાં ઘર પાસે થયેલ મારામારીના બનાવમાં સુનિલ રવજીભાઈ સોલંકી નામના ૨૫ વર્ષના યુવાનને ઇજાઓ થતા તેને સારવાર માટે અત્રેની સિવિલે લાવવામાં આવ્યો હતો અને બનાવ અંગે નોંધ થતા એ ડિવિઝન પોલીસ મથકના વિ.કે.પટેલ દ્વારા તપાસ શરૂ કરવામાં આવી હતી.