મોરબીની મહેન્દ્રનગર ચોકડીએ ટ્રક-બાઇક વચ્ચે અકસ્માતમાં છ વર્ષની બાળકીનું મોત
SHARE
JOIN OUR GROUP
મોરબીની મહેન્દ્રનગર ચોકડીએ ટ્રક-બાઇક વચ્ચે અકસ્માતમાં છ વર્ષની બાળકીનું મોત
મોરબીની મહેન્દ્રનગર ચોકડી પાસેથી ડબલ સવારી બાઇક પસાર થઈ રહ્યું હતું ત્યારે ટ્રક ચાલકે તે બાઇકને હડફેટે લેતા અકસ્માતનો બનાવ બન્યો હતો અને અકસ્માતના બનાવમાં બાઇકમાં બેઠેલ છ વર્ષની બાળકીને ઇજાઓ થઈ હોવાથી ઇજાગ્રસ્ત બાળકીનું મોત નીપજયું હતું.
બનાવની જાણવા મળતી વિગત પ્રમાણે મોરબી નજીકના ઘૂટું ગામે રહેતા ગીરીશભાઈ રમેશભાઈ રાઠોડ તેઓની દીકરી વૈશાલી ગીરીશભાઈ રાઠોડ (ઉમર ૬) ને પોતાના બાઈકમાં પાછળના ભાગે બેસાડીને મોરબીની મહેન્દ્રનગર ચોકડી પાસેથી બાઈક લઈને પસાર થઈ રહ્યા હતા ત્યારે બાઈક અને ટ્રક વચ્ચે અકસ્માતનો બનાવ બન્યો હતો અને આ અકસ્માતના બનાવમાં વૈશાલી રાઠોડને ગંભીર ઇજા થયેલ હોવાથી તેણીનું મોત નીપજયું હતું.
રિક્ષા પલ્ટી જતા ઇજા
મોરબીના જેતપર ઉપર પાવળીયારી પાસે રીક્ષા પલ્ટી મારી ગઈ હતી જેથી કરીને અકસ્માતનો બનાવ બન્યો હતો અકસ્માતના બનાવમાં રિક્ષામાં બેઠેલ સામુબેન મગનભાઈ પરમાર (૪૨) નામના મકાનસર ગામે રહેતા મહિલાને ઇજાઓ થઈ હતી જેથી મહિલાને મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળ વધુ તપાસ વી.એસ.ડાંગર ચલાવી રહ્યા છે.
અકસ્માતમાં ઇજા
મોરબીના વેજીટેબલ રોડ ઉપર આવેલ ભાગ્યલક્ષ્મી સોસાયટીમાં રહેતા મુકેશભાઈ મનહરભાઈ જોબનપુત્રા (૪૧) મોરબીના જેતપર રોડ ઉપર પીપળી ગામ પાસેથી પોતાનુ બાઇક લઈને પસાર થઈ રહ્યા હતા ત્યારે બાઈક અકસ્માતે સ્લીપ થઈ ગયું હતું જેથી મુકેશભાઈ જોબનપુત્રાને ઇજા થઈ હોવાથી સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસ સ્ચેશનના જશપીલસિંહે બનાવની નોંધ કરીને આગળની કાર્યવાહી હાથ ધરી છે.
