હળવદના સુખપર પાસે આવેલ હોટેલના સંચાલક પાસેથી પોશડોડાનો જથ્થો ઝડપાયો

હળવદ ધ્રાંગધા હાઇવે ઉપર આવેલ સુખપર ગામ પાસે બાબા રામદેવ હોટલમાં એસઓજીની ટીમે રેડ કરી હતી ત્યારે હોટલના સંચાલક પાસેથી ૩ કિલો ૩૩૧ ગ્રામ પોશડોડાનો જથ્થો મળી આવ્યો હતો જેથી કરીને એસઓજીની ટીમે મુદામાલ કબજે કરીને હળવદ તાલુકા પોલીસ સ્ટેશને ગુનો નોંધીને આગળની કાર્યવાહી કરેલ છે

મોરબી જિલ્લા એસઓજીની ટિમ પેટ્રોલીંગમાં હતી ત્યારે હળવદના સુખપર ગામ પાસે આવેલ બાબા રામદેવ નામની હોટલ રેડ કરી હતી ત્યારે હોટલના સંચાલક ઠાકરારામ લીછમનારામ ચૌધરી (૪૫) પાસેથી ૩ કિલો ૩૩૧ ગ્રામ પોશડોડાનો જથ્થો મળી આવ્યો હતો જેથી કરીને પોલીસે ૯૯૯૩ ના પોસડોડા અને ૧૦૦૦ નો મોબાઈલ આમ કુલ મળીને ૧૦,૯૯૩ નો મુદામાલ કબજે કરેલ છે અને હોટલના સંચાલક સામે હળવદ તાલુકા પોલીસ સ્ટેશન ખાતે એન.ડી.પી.એસ. એક્ટની કલમ-૮(સી),૧૫(બી) મુજબ ગુનો નોંધીને પોલીસે આગળની કાર્યવાહી કરી છે આ કામગીરી એસઓજીના પીઆઇ એમ.પી.પંડ્યાની સૂચના મુજબ સ્ટાફ દ્વારા કરવામાં આવી હતી