હળવદ શાળા નંબર-૪ ખાતે પીજીવીસીએલના સહયોગથી ઉર્જા સંરક્ષણ અને વીજ સલામતી દિવસની ઉજવણી
SHARE
JOIN OUR GROUP
હળવદ શાળા નંબર-૪ ખાતે પીજીવીસીએલના સહયોગથી ઉર્જા સંરક્ષણ અને વીજ સલામતી દિવસની ઉજવણી
હળવદ શાળા નંબર-૪ ખાતે પીજીવીસીએલ હળવદના સહયોગથી ઉર્જા સંરક્ષણ અને વીજ સલામતી દિવસની ઉજવણી થઈ હતી.૧૪ ડિસેમ્બરના રોજ રાષ્ટ્રીય ઉર્જા સંરક્ષણ દિવસ હોય અને હાલમાં ઉર્જા સંરક્ષણ અને વીજ સલામતી અંતર્ગત પખવાડિયાની ઉજવણી ચાલતી હોય શાળા નંબર-૪ હળવદ ખાતે વિવિધ સ્પર્ધાઓ યોજાઈ હતી.જેમાં ઉર્જા બચાવો તથા વીજ સલામતી વિષય અંતર્ગત ચિત્ર સ્પર્ધા અને નિબંધ લેખન સ્પર્ધાનું આયોજન થયું હતું જેમાં ધો.૬ થી ૮ ના કુલ ૧૦૦ થી વધુ વિદ્યાર્થીઓએ વિવિધ સ્પર્ધાઓમાં ભાગ લીધો હતો.આ કાર્યક્રમમાં પીજીવીસીએલ હળવદની કચેરીમાંથી કાર્યપાલક ઇજનેર બરંડા તથા નાયબ કાર્યપાલક ઇજનેરી ચૌધરી, હડિયલભાઇ ,પટેલભાઇ શાળાના આચાર્ય રાજેશભાઈ તથા સ્ટાફ હાજર રહ્યા હતા.કાર્યક્રમની શરૂઆત સુંદર પ્રાર્થનાથી થઈ હતી ત્યારે બાદ ઉર્જા બચાઓ વિષય ઉપર બરંડાએ સુંદર વક્તવ્ય આપી ઉર્જા બચાવવા અને વીજ સલામતી માટેના વિચારો રજૂ કર્યા હતા તથા સ્પર્ધાના અંતે ચિત્ર સ્પર્ધામાં સાયના ભીલ પ્રથમ ક્રમે, દેવાંશી નાકરાણી દ્વિતીય તેમજ તૃતીય ક્રમે દિયા ઝાલરીયા તેમજ નિબંધ લેખનમાં ઉમા તારબુંદિયા પ્રથમ, ધ્રુવી મકવાણા બીજા અને જાનવી કણઝરિયાએ તૃતીય નંબર મેળવ્યો હતો જે તમામ વિજેતાઓને પીજીવીસીએલ કચેરી હળવદ દ્વારા ઇનામ તથા પ્રમાણપત્રો આપી પ્રોત્સાહિત કરવામાં આવ્યા હતા.
