મોરબીનો બુટલેગર પાસા હેઠળ ભાવનગર જીલ્લા જેલ હવાલે

મોરબીના કાલિકા પ્લોટ વિસ્તારમાં રહેતા બુટલેગરનું પાસા વોરંટ ઇશ્યૂ કરવામાં આવ્યું હતું જેથી કરીને એલસીબીની ટીમે તાત્કાલિક આરોપીની ધરપકડ કરીને તેને હાલમાં ભાવનગર જીલ્લા જેલ ખાતે મોકલી આપેલ છે.

મોરબી જીલ્લાના અલગ-અલગ પોલીસ સ્ટેશનમાં પ્રોહીબીશનના ગુન્હાઓમાં સંડોવાયેલ ઇસમો સામે પાસા દરખાસ્ત તૈયાર કરી મોરબી જીલ્લા મેજિસ્ટ્રેટ તરફ મોકલવામાં આવે છે અને જીલ્લા મેજિસ્ટ્રેટ તરફથી દેશીદારૂના ગુનાઓમાં સંડોવાયેલ અલીભાઇ મામદભાઇ પલેજા જાતે સંધી (૩૧) રહે. કાલીકા પ્લોટ, શેરી નં.-૩, જલાલચોક મોરબી વાળાનું પાસા વોરંટ ઇશ્યુ કરવામાં આવ્યું હતું જેથી કરીને તેની મોરબી જિલ્લા એલસીબીના પીઆઇ ડી.એમ. ઢોલની સૂચના મુજબ સ્ટાફે ધરપકડ કરી હતી અને તેને પકડીને પાસા એકટ હેઠળ ભાવનગર જીલ્લા જેલ ખાતે મોકલી આપેલ છે.

આરોપી પકડાયો

મોરબી જિલ્લા એલસીબીના પીઆઇ ડી.એમ.ઢોલ ની સૂચના મુજબ પીએસઆઈ એન.એચ.ચુડાસમા અને કે.એચ.ભોચીયા તેમજ સ્ટાફ કામ કરી રહ્યો છે તેવામાં પેરોલ ફર્લો સ્કવોડના જયેશભાઇ વાઘેલા, વિક્રમભાઇ રાઠોડ અને બ્રિજેશભાઇ કાસુન્દ્રાને ખાનગી રાહે હકિકત મળેલ હતી કે, માળીયા મીયાણાના ચિતિંગના વર્ષ ૨૦૧૯ ના ગુનામાં નાસતો ફરતો આરોપી પ્રકાશ ઉર્ફે પપ્પુ ઠમકરારામ બિશ્નોઇ રહે. ડેડવા તા.સાંચોર જી.જાલોર (રાજસ્થાન) વાળો હાલે કચ્છ જિલ્લાના અંજાર ખાતે છે જેથી ત્યાં અંજાર ખાતેથી આરોપી પ્રકાશ ઉર્ફે પપ્પુ ઠમકરારામ બિશ્નોઇ (૪૨) રહે. ડેડવા તા.સાંચોર જી.જાલોર (રાજસ્થાન) વાળાની શિવ લોજીસ્ટ મેઘપર બોરીચી ખાતેથી તા.૧૨ ના રોજ ધરપકડ કરી હતી અને આરોપીને હાલમાં માળીયા મીયાણા તાલુકા પોલીસ સ્ટેશનને સોપી આપેલ છે