મોરબીની મચ્છુ કેનાલમાં પડી ગયેલા ગૌવંશના જીવને ફાયરમેન બચાવ્યો
Morbi Today
કેન્દ્ર સચિવ હેમંતકુમાર મીનાની હાજરીમાં મોરબીના કોયલી ગામે સરકારી કાર્યક્રમ યોજાયો
SHARE
JOIN OUR GROUP
કેન્દ્ર સચિવ હેમંતકુમાર મીનાની હાજરીમાં મોરબીના કોયલી ગામે સરકારી કાર્યક્રમ યોજાયો
વિકસિત ભારત સંકલ્પ યાત્રાના કેન્દ્ર સચિવ હેમંતકુમાર મીના મોરબી જિલ્લાના કોયલી ગામે વિકસિત ભારત સંકલ્પ યાત્રાના કાર્યક્રમ અન્વયે પધાર્યા હતા. કોયલી ગામની આ મુલાકાત દરમિયાન તેમણે ગામમાં આવેલી આંગણવાડીની મુલાકાત લીધી હતી. આંગણવાડીની મુલાકાત દરમિયાન તેમણે આંગણવાડી ખાતે ઉપલબ્ધ સુવિધાઓ તેમજ બાળકોને આપવામાં આવતી તમામ સુવિધાઓની સમીક્ષા કરી હતી. તેમણે બાળકોને કેટલો સમય શૈક્ષણિક પ્રવૃત્તિઓ કરાવવામાં આવે છે, આંગણવાડી વર્કર તથા આશા વર્કર બહેનો દ્વારા બાળકોને કેવી કેવી પ્રવૃત્તિઓ કરવામાં આવે છે, બાળકોના સારા આરોગ્ય માટે શું શું પગલાં લેવામાં આવે છે, તેમને શું શું વાનગીઓ બનાવીને ખવડાવવામાં આવે છે વગેરે પૃચ્છા કરી હતી. પોષણ ટ્રેકર લઈને તેનું પણ તેમણે નિરીક્ષણ કર્યું હતું અને નબળા તેમજ ઓછા વજનવાળા બાળકો માટે શું પગલાં લેવામાં આવે છે તેની વિગતે માહિતી મેળવી હતી. ત્યારે ઈસીડીએસ વિભાગના મોરબી ઘટકના સીડીપીઓ મયુરીબેન ઉપાધ્યાય તેમજ ગામના આંગણવાડી વર્કર અને આશા વર્કર બહેનો દ્વારા હેમંતકુમાર મીનાને આંગણવાડીની પ્રવૃત્તિઓની વિગતે માહિતી આપવામાં આવી હતી આ તકે કલેકટર જી.ટી. પંડ્યા, નાયબ જિલ્લા વિકાસ અધિકારી સુબોધકુમાર દુદખીયા, મોરબી પ્રાંત અધિકારી સુશીલ પરમાર, જિલ્લા આયુર્વેદ અધિકારી પ્રવીણભાઈ વડાવિયા સહિતના જોડાયા હતા.
