મોરબીના માળિયા ફાટક પાસે એસટી બસ અને કાર વચ્ચે અથડામણ
SHARE
JOIN OUR GROUP
મોરબીના માળિયા ફાટક પાસે એસટી બસ અને કાર વચ્ચે અથડામણ
મોરબીના સામાકાંઠે સર્કિટ હાઉસના ખૂણા પાસે માળીયા ફાટક નજીક વાહન અકસ્માતનો બનાવ બન્યો હતો.જેમા તા.૨૩-૧ ના વહેલી સવારે ચારેક વાગ્યાના અરસામાં સર્જાયેલ અકસ્માત બનાવમાં ગોધરા બસ સ્ટેશનની પીટોલ-મોરબી રૂટની બસ નંબર જીજે ૧૮ ઝેડ ૮૨૩૭ અને હુન્ડાઇ ઔરા કાર નંબર જીજે ૩૬ એએફ ૯૩૮૪ વચ્ચે અકસ્માત બનાવ બન્યો હતો જેમાં કારના આગળના બોનેટ અને મશીનના ભાગે નુકસાની થવા પામી હતી.જોકે વહેલી સવારે અકસ્માત બનાવ બન્યો હોય કોઈ ઇજાગ્રત થયેલ છે કે કેમ તે બાબતે હાલ કોઈ વિગતો સામે આવેલ નથી.જોકે આ બનાવ સંદર્ભે હોસ્પિટલ કે પોલીસ સૂત્રોમાંથી પણ કોઈ વિશેષ માહિતી મળી શકે નથી.
સગીરા સારવારમાં
મોરબી તાલુકાના વીરપરડા ગામે રહેતી યશ્વીબેન ગણેશભાઈ નામની ૧૫ વર્ષીય સગીરાને દુખાવો અને ઉલ્ટી ઉબકા થતા હોય તથા હાથે-પગે ધ્રુજારી ઉપડતા તેણીને સારવાર માટે અત્રેની આયુષ હોસ્પિટલ ખાતે સારવાર માટે લાવવામાં આવી હતી.અહીં હોસ્પિટલ ખાતે તેણીની તપાસ કરવામાં આવતા ઝેરી દવા પી લીધી હોવાનું ખુલ્યું હતું.બાદમાં લોહીના રિપોર્ટ લઈ આગળની તપાસ કરવામાં આવી હોવાનું અને બનાવના કારણ સંદર્ભે તાલુકા પોલીસ મથકના બીટ વિસ્તારના જમાદાર અર્જુનસિંહ ઝાલા વધુ તપાસ ચલાવી રહ્યા હોવાનું પોલીસ સૂત્રોએ જણાવેલ છે.
આધેડ મહિલા સારવારમાં
મોરબીના વાવડી રોડ ઉપર રહેતા કંચનબેન છગનભાઈ મારૂ નામના ૫૪ વર્ષીય આધેડ મહિલાને વાહન અકસ્માતના બનાવમાં સારવાર માટે અત્રેની ખાનગી હોસ્પિટલે લાવવામાં આવ્યા હતા.વધુમાં આ બાબતે પોલીસ સુત્રોના જણાવ્યા પ્રમાણે કંચનબેન મારૂ બાઇકના પાછળના ભાગે બેસીને વાવડી રોડ ઉપરથી જતા હતા ત્યારે ત્યાં રસ્તામાં બાપાસીતારામ મઢુલી નજીક તેઓનું બાઈક સ્લીપ થઈ જતા તેઓ અકસ્માતે નીચે પડી ગયા હતા.જેમાં તેઓને ઈજા થવાથી સારવાર માટે ખસેડાયા હતા.આ બનાવ સંદર્ભે એ ડિવિઝન પોલીસ મથકના હરેશભાઈ ચાવડા દ્વારા નોંધ કરીને તપાસ કરવામાં આવી હતી.
