મોરબી નજીક કારખાનામાં કામ દરમિયાન શોર્ટ લાગતા પાણીની ટાંકીમાં પડી ગયેલા યુવાનનું મોત

મોરબીના જેતપર રોડ ઉપર આવેલ જીવાપર ગામની સીમમાં આવેલ સીરામીક કારખાનામાં કામગીરી દરમિયાન ઈલેક્ટ્રીક સોટ લાગતા યુવાન પાણીની ટાંકીમાં પડી ગયો હતો અને તે યુવાનનું મોત નીપજયું હતું જેથી તેની બોડીને હોસ્પિટલે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી તાલુકાના જીવાપર ગામની સીમમાં આવેલ લાફોન ગ્રેનાઈટો સીરામીક કારખાનાના લેબર કવાર્ટરમાં રહેતો નારુભાઈ પાનસિંગભાઈ ભાભોર (૧૯) નામનો યુવાન કામગીરી કરી રહ્યો હતો ત્યારે તેને અકસ્માતે ઇલેક્ટ્રીક શોર્ટ લાગતા તે પાણીની ટાંકીમાં પડી ગયો હતો જેથી કરીને તેનું મોત નીપજયું હતું ત્યાર બાદ ચિન્યાભાઈ ભાભોર તેના મૃતદેહને મોરબીની સરકારી હોસ્પિટલ ખાતે લઈને આવ્યા હતા અને આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ અંગેની આગળની વધુ તપાસ મોરબી તાલુકા પોલીસ સ્ટેશનના જે.બી. પરમાર ચલાવી રહ્યા છે

૧૦૦ લિટર દેશી દારૂ

મોરબી તાલુકાના ધરમપુર ગામની સીમમાં જુની આરટીઓ ઓફિસ પાસેથી પસાર થઈ રહેલ સીએનજી રીક્ષા નંબર જીજે ૩ એયું ૨૧૪૮ ને રોકીને પોલીસ દ્વારા ચેક કરવામાં આવી હતી ત્યારે તે રિક્ષામાંથી ૧૦૦ લિટર દેશી દારૂ મળી આવ્યો હતો જેથી કરીને પોલીસે ૨૦૦૦ નો દારૂ અને ૪૦ હજારની રિક્ષા એમ કુલ મળીને ૪૨ હજારનો મુદ્દામાલ કબજે કરીને ઇસ્મતઅલી અબ્બાસભાઈ મોવર જાતે મિયાણા (૪૨) રહે હરીપર ગામની ગોળી પાસે માળિયા મીયાણા વાળાની ધરપકડ કરી પોલીસ આગળ કાર્યવાહી હાથ ધરી છે