ટંકારાના સરાયા નજીક અજાણી કારના ચાલકે હડફેટે લેતા પગપાળા જઈ રહેલા યુવાનનું મોત

ટંકારાના લતીપર રોડ ઉપર સરાયા અને ઓટાળા વચ્ચે અજાણી કાળા કલરની કારના ચાલકે પગપાળા જઈ રહેલા યુવાનને હડફેટે લીધો હતો જેથી તેનું મોત નીપજ્યું હતું અને અકસ્માતના બનાવ સંદર્ભે મૃતક યુવાનની પત્નીએ અજાણી કાળા કલરની ફોર વ્હીલ કારના ચાલક સામે ગુનો નોંધાવ્યો છે જેના આધારે પોલીસે આરોપીને પકડવા માટે તજવીજ શરૂ કરી છે

બનાવની જાણવા મળતી માહિતી મુજબ મૂળ એમપીના અલીરાજપુર જિલ્લાના રહેવાસી અને હાલમાં ટંકારા તાલુકાના સરાયા ગામે દિવ્યેશભાઈ ઢેઢીની વાડીએ રહેતા અને ત્યાં મજૂરી કામ કરતા શર્મિલાબેન રમેશભાઈ વસુનીયા જાતે અનુ. જાતી (૪૫)એ હાલમાં અજાણી કાળા કલરની ફોર વ્હીલ કારના ચાલકની સામે ફરિયાદ નોંધાવી છે જેમાં તેને જણાવ્યુ છે કે, ગત તા. ૯/૧/૨૪ ના સાંજના ૭:૩૦ વાગ્યાના અરસામાં તેઓના પતિ રમેશભાઈ છગનભાઈ વસુનીયા (૪૫) રોડ સાઈડમાં ચાલીને જઈ રહ્યા હતા ત્યારે પાછળથી અજાણી કારના ચાલકે તેઓને હડફેટે લેતા તેને કપાળના ભાગે અને શરીરે ગંભીર ઇજા થયેલ હતી જેથી કરીને તેનું મોત નીપજયું હતું હાલમાં મૃતક યુવાનની પત્નીએ નોંધાવેલ ફરિયાદ આધારે ટંકારા તાલુકા પોલીસે અજાણી કાળા કલરની ફોર વ્હીલ કારના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે અને વધુ તપાસ ટંકારા તાલુકા પોલીસ સ્ટેશનના આઈ.ટી. જામ ચલાવી રહ્યા છે