મોરબી છાત્રાલય રોડ ખાતેથી ૯ બોટલ દારૂ પકડાઈ, ત્રણ સામે ફરિયાદ મોરબીની માધાપરવાડી શાળામાં બ્રહ્માકુમારી દ્વારા નશા મુક્ત અભિયાનનો કાર્યક્રમ યોજાયો મોરબી જિલ્લાના મોટા દહીસરા ગામે આન, બાન અને શાનથી પ્રભારી મંત્રીના હસ્તે તિરંગો આકાશમાં લહેરાવીને સલામી આપાઈ માળીયા (મી)માં અગાઉ થયેલ બોલાચાલીનો ખાર રાખીને યુવાન સહિત બે વ્યક્તિ ઉપર છરી-ધોકા વડે 4 શખ્સનો હુમલો વાંકાનેરમાં ભિક્ષાવૃતિ કરીને મહિલાએ એકત્રિત કરેલ 50,000 રૂપિયાની અજાણ્યા શખ્સે કરી ચોરી હળવદના બુટવડા ગામે જુગાર રમતા 5 શખ્સ ઝડપાયા હળવદના ઢવાણા ગામે યુવાને કર્યો આપઘાત: મોરબીના લાલપર ગામે તાવની બીમારીમાં બાળકીનું મોત મોરબી ગ્રાહક સુરક્ષા મંડળની લડતથી વિમેદારને આઠ લાખ ખર્ચ સહીત ચૂકવવા હુકમ

Breaking news

Morbi Today

વાંકાનેરના પાજ ગામે મહિલાની માલીકીની જમીન ઉપર દબાણ કરનાર સામે લેન્ડ ગ્રેબિંગ

30-01-2024 10:57 AM

રાજકોટમાં દામજી મેપા પ્લોટ ખાતે રહેતા મહિલાની માલિકીની વાંકાનેર તાલુકાના પાજ ગામે જમીન આવેલ છે જે જમીન પચાવી પાડવા માટે થઈને તેના ઉપરોક્ત કબજો કરવામાં આવ્યો છે અને વાવેતર કરી અંગત લાભ લેવામાં આવી રહ્યો છે જેથી કરીને ભોગ બનેલ મહિલા દ્વારા હાલમાં વાંકાનેર તાલુકા પોલીસ સ્ટેશન ખાતે જમીન ઉપર કબજો કરીને દબાણ કરનાર પાજ ગામના શખ્સની સામે ફરિયાદ નોંધાવવામાં આવતા પોલીસે લેન્ડ ગ્રેબિંગનો ગુનો નોંધી આરોપીને પકડવા માટે તજવીજ શરૂ કરી છે

જાણવા મળતી માહિતી પ્રમાણે રાજકોટમાં દામજી મેપા પ્લોટ શેરી નં-૫ રામેશ્વર મંદિરની સામેના ભાગમાં રહેતા મંજુબેન જીવણભાઈ ટોળીયા જાતે ભરવાડ (૫૫) એ વાંકાનેર તાલુકા પોલીસ સ્ટેશન ખાતે યુનુસભાઈ મહમદભાઈ સિપાઈ રહે. પાજ તાલુકો વાંકાનેર વાળાની સામે લેન્ડ ગ્રેબિંગની ફરિયાદ નોંધાવી છે જેમાં તેને જણાવ્યું છે કે, તેઓની માલિકીની પાજ ગામના સર્વે નંબર ૬૩ પૈકી ૨ વાળી હે ૧-૧૪-૩૨ વાળી જમીન પચાવી પાડવાના આશયથી આરોપીએ પોતાનો અનઅધિકૃત કબજો કર્યો છે અને ત્યાં વાવેતર કરેલું છે અને તેના અંગત લાભ માટે થઈને તે જમીનનો ઉપયોગ કરી રહેલ છે જેથી ભોગ બનેલ મહિલા દ્વારા નોંધવામાં આવેલ ફરિયાદ આધારે પોલીસે લેન્ડ ગ્રેબિંગનો ગુનો નોંધી આરોપીને પકડવા માટે તજવીજ શરૂ કરી છે આ અંગેની આગળની વધુ તપાસ મોરબીના ડીવાયએસપી પી.એ. ઝાલા ચલાવી રહ્યા છે

અકસ્માતમાં ઇજા

મોરબીના ભડીયાદ નજીક રહેતો કપિલ પોપટભાઈ સંતોકી (૩૩) નામનો યુવાન બાઇક લઈને મોરબી નજીકના લાલપર ગામ પાસેથી પસાર થતો હતો ત્યારે શૈલેષ કાંટા સામે તે રોડ સાઈડમાં ઉભો હતો દરમિયાન કોઈ અજાણ્યા છોટા હાથી વાહન વાળાએ તેને હડફેટે લેતા તેને ડાબા પગના ભાગે ઇજા થઈ હતી જેથી સારવાર માટે મોરબીની ખાનગી હોસ્પિટલમાં તેને લઈને આવ્યા હતા ત્યાં તેને સારવાર આપીને આ બનાવની મોરબી તાલુકા પોલીસને જાણ કરતાં પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરી છે

વૃદ્ધ સારવારમાં

મોરબી માળિયા હાઇવે ઉપર આવેલ ગાળા ગામના પાટીયા પાસેથી બીમારી સબબ નરપતસિંહ મેરૂભા (૬૫) નામના વૃદ્ધને ૧૦૮ મારફતે સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી કરી છે અને આ બનાવની આગળ વધુ તપાસ જે.બી. પરમાર ચલાવી રહ્યા છે