મોરબીમાં સબજેલ નજીક ગાયે બાઇકને હડફેટે લેતા ઇજા પામેલ યુવાન સારવારમાં
SHARE
JOIN OUR GROUP
મોરબીમાં સબજેલ નજીક ગાયે બાઇકને હડફેટે લેતા ઇજા પામેલ યુવાન સારવારમાં
મોરબીના લીલાપર રોડ ઉપર સબજેલથી આગળના ભાગમાં બાઇક લઈને યુવાન પસાર થઈ રહ્યો હતો ત્યારે પાછળથી ગાયે ત્યેને હડફેટે લેતા અકસ્માતનો બનાવ બનેલ હતો જેમાં ઇજા પામેલા યુવાનને સારવાર માટે મોરબીની ખાનગી હોસ્પિટલમાં લઈને આવ્યા હતા અને આ બનાવની મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે
જાણવા મળતી માહિતી પ્રમાણે મોરબીના લીલાપર કેનાલ રોડ ઉપર આવેલ બોરીયા પાટી વિસ્તારમાં રામોજી બંગલા પાસે કુકાની વાડીએ રહેતા કમલેશભાઈ ગોવિંદભાઈ પરમાર (૪૪) નામનો યુવાન બાઈક લઈને પોતાના ઘરેથી કામ ઉપર જઈ રહ્યો હતો ત્યારે મોરબીના લીલાપર રોડ ઉપર આવેલ સબ જેલથી આગળના ભાગમાં રસ્તા ઉપરથી તે બાઈક લઈને પસાર થઈ રહ્યો હતો ત્યારે પાછળથી ગાયે તેને હડફેટે લેતા અકસ્માતનો બનાવ બન્યો હતો અને અકસ્માતના બનાવમાં કમલેશભાઈને ઇજા થઇ હોવાથી સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની મોરબી સીટી એ ડિવિઝન પોલીસને જાણ કરતા પોલીસે બનાવવી નોંધ કરી આગળની કાર્યવાહી હાથ ધરી હતી અને વધુ તપાસ હરેશભાઈ ચાવડા ચલાવી રહ્યા છે
અકસ્માતમાં ઇજા
વાંકાનેર તાલુકાના સરતાનપર રોડ ઉપર રહેતો રાજેન્દ્ર મનમથા ઘડાઈ (૩૨) નામનો યુવાન બપોરના સમયે બાઇક લઈને મોરબીના લીલાપર રોડ ઉપર આવેલી યદુનંદન ગૌશાળા પાસેથી પસાર થઈ રહ્યો હતો ત્યારે લીલાપર રોડ ઉપર કોઈ કારણોસર તેનું બાઈક સ્લીપ થઈ ગયું હતું જેથી અકસ્માતના બનાવમાં ઇજા પામેલા યુવાનને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને વધુ તપાસ હરેશભાઈ ચાવડા ચલાવી રહ્યા છે
અકસ્માતમાં ઇજા
મોરબી નજીકના નાનીવાવડી ગામે રહેતો પાર્થ જીતેન્દ્રભાઈ રામાવત (૨૧) નામનો યુવાન મોરબીના સનાળા રોડથી વાવડી રોડ તરફ જવાના રસ્તા ઉપર આવેલ મામાદેવના મંદિર પાસેથી બાઈક લઈને પસાર થઈ રહ્યો હતો ત્યારે કાર ચાલકે તેની બાઈકને હડફેટે લેતા અકસ્માતનો બનાવ બન્યો હતો અને અકસ્માતના બનાવમાં પાર્થને માથા, જમણા પગે તથા ડાબા ખભામાં ઈજા થઈ હતી જેથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને વધુ તપાસ હરેશભાઈ ચાવડા ચલાવી રહ્યા છે
