મોરબી આવી પહોચેલ યુપીની પરિણીતા અને તેના બાળકોનું તેના પતિ સાથે મિલન કરાવ્યુ

ઘણી વખત સમાજ માટે લાલબતી સમાન કિસ્સા સામે આવે છે આવી જ રીતે એક ઘટના મોરબીમાં સામે આવેલ છે જેમાં સાસુ સાથે ઝઘડો થતા પરિણીતા ઘરે કોઈને કશું જ કહ્યા વગર ઉત્તરપ્રદેશથી ગુજરાત સુધી આવી ગયેલ છે અને આ પરિણીતા સુરતને બદલે મોરબી આવી પહોંચી હતી જેથી કરીને મોરબીના સખી વન સ્ટોપ સેન્ટરે આ પરિણીતાનું કાઉન્સેલિંગ કરી તેના પતિ સાથે તે પરિણીતાનું મિલન કરાવ્યુ છે

મોરબી ૧૮૧ ની ટીમને ફોન આવેલ હતો કે, ઉત્તરપ્રદેશથી બાળકો સાથે કે પરિણીતા મોરબી આવી ગયેલ છે અને બસ સ્ટેન્ડ પાસે છે અને તેના પોતાને અને બાળકોને આશ્રય માટે કહી રહી છે જેથી સખી વન સ્ટોપ સેન્ટર દ્વારા પરિણીતાનું કાઉન્સેલિંગ કરવામાં આવ્યું હતું અને તેના પતિનું એડ્રેસ અને મોબાઈલ નંબર મેળવેલ હતા ત્યાર ત્યારબાદ તે મહિલાના પતિ સાથે ફોનમાં વાત કરી હતી અને તે સુરત નોકરી કરે છે તેવું સામે આવ્યું હતું અને આ પરિણીતા અને તેના બાળકો સાથે ઉત્તરપ્રદેશમાં તેના સાસુ સાથે રહેતી હતી જો કે, સાસુ સાથે ઝઘડો થતા તે કોઈને કશું જ કહ્યા વગર ત્યાંથી નીકળી ગયેલ હતી તે સુરતને બદલે મોરબી આવી પહોચી હતી જેથી તેના પતિને મોરબી બોલાવીને તેની સાથે તેનું મિલન કરવવામાં આવ્યું છે