મોરબીની સરકારી શાળાના શિક્ષક અશોકભાઇ કાંજીયાએ મેળવ્યો ચિત્રકુટ એવોર્ડ
Morbi Today
ટંકારાના ગજડી ગામ પાસેથી ૧૮ બોટલ દારૂ ભરેલ ગાડી સાથે ત્રણ શખ્સ પકડાયા, બે ની શોધખોળ
SHARE
JOIN OUR GROUP
ટંકારાના ગજડી ગામ પાસેથી ૧૮ બોટલ દારૂ ભરેલ ગાડી સાથે ત્રણ શખ્સ પકડાયા, બે ની શોધખોળ
ટંકારા તાલુકા પોલીસની ટીમ પેટ્રોલિંગમાં હતી ત્યારે ગજડી ગામથી ઘુનડા (ખાનપર) ગામ તરફ જવાના રસ્તા ઉપરથી એક ગાડી પસાર થઈ હતી જે ગાડીને રોકવામાં આવી હતી અને ગાડીને ચેક કરતા હતા દરમિયાન બે શખ્સો ત્યાંથી નાસી ભાગી ગયા હતા જો કે, પોલીસે ત્રણ શખ્સોને પકડ્યા હતા અને ગાડીમાંથી ૧૮ બોટલ દારૂ મળી આવતા પોલીસે કુલ મળીને ૨,૦૯,૩૬૦ ની કિંમતનો મુદ્દામાલ કબજે કર્યો છે અને નાસી ગયેલા બે શખ્સોને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ ટંકારા તાલુકાના ગજડી ગામથી ઘુનડા (ખાનપર) તરફ જવાના રસ્તા ઉપરથી પસાર થતી ફોરવીલ ગાડી નંબર જીજે ૧૦ ડીઇ ૪૬૮૨ ને રોકીને પોલીસ દ્વારા ચેક કરવામાં આવી હતી ત્યારે ગાડીમાંથી દારૂની ૧૮ બોટલો મળી આવી હતી જેથી પોલીસે બે લાખની કિંમતની ગાડી તથા ૯,૩૬૦ ની કિંમતનો દારૂ આમ કુલ મળીને ૨,૦૯,૩૬૦ ની કિંમતનો મુદ્દા માલ કબજે કર્યો છે અને હાલમાં આરોપી ભાભલુભાઈ શાંતુભાઈ ખાચર સાથે કાઠી (૨૩) રહે. નોલી તાલુકો સાયલા, જયરાજભાઈ કાળુભાઈ માંજરીયા જાતે કાઠી (૨૪) રહે શિરવાણીયા તાલુકો સાયલા અને નાગરાજસિંહ ઘનશ્યામસિંહ વાળા જાતે દરબાર (૨૦) રહે. રામેશ્વર રાંદલનગર રાજ શક્તિ પાન વાળી શેરીમાં જામનગર વાળાની ધરપકડ કરેલ છે અને પોલીસની રેડ દરમિયાન નાસી ગયેલ રવિરાજસિંહ દાદુભા અને નાગરાજસિંહ ભરતસિંહ જાડેજા રહે. જામનગર વાળાના નામ સામે આવ્યા હોય પોલીસે તેની સામે પણ ગુનો નોંધીને તે બંને શખ્સને પકડવા માટે તજવીજ શરૂ કરી છે
અકસ્માતમાં ઇજા
મોરબીની પંચાસર ચોકડીથી વાવડી ચોકડી તરફ ડબલ થવાની બાઈક પસાર થઈ રહ્યું હતું ત્યારે કોઈ અજાણ્યા વાહન ચાલાકે તે બાઈકને ઠોકર મારતા અકસ્માતનો બનાવ બન્યો હતો અને આ બનાવમાં વિશાલ સુભાષભાઈ (૨૧) રહે. જામનગર અને મહેશ મિથુનભાઈ (૨૫) રહે. મોરબી વાળાઓને ઈજા થઈ હતી જેથી તે બંનેને સારવાર માટે ૧૦૮ મારફતે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને વધુ તપાસ વિપુલભાઈ પટેલ દ્વારા કરવામાં આવી રહી છે
