ટંકારાના ગજડી ગામ પાસેથી ૧૮ બોટલ દારૂ ભરેલ ગાડી સાથે ત્રણ શખ્સ પકડાયા, બે ની શોધખોળ
Morbi Today
મોરબીમાં ટ્રકના તોતિંગ વ્હીલ ફરી જતાં આધેડ મહિલાનું મોત
SHARE
JOIN OUR GROUP
મોરબીમાં ટ્રકના તોતિંગ વ્હીલ ફરી જતાં આધેડ મહિલાનું મોત
મોરબીના પંચાસર રોડ ઉપર આવેલ ગીતા આગળના ભાગમાં રાધાકૃષ્ણ સોસાયટીના ઝાપા પાસેથી મહિલા ઘર તરફ જઈ રહી હતી ત્યારે ટ્રક ચાલકે તેને પાછળથી હડફેટે લેતા અકસ્માતનો બનાવ બન્યો હતો અને તેમાં મહિલાનું મોત નીપજ્યું હતું જેથી કરીને હાલમાં મૃતક મહિલાના પતિ દ્વારા ટ્રક ચાલક સામે મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવી છે જેના આધારે પોલીસે આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ મોરબીના પંચાસર રોડ ઉપર આવેલ ગીતા ઓઇલ મીલથી આગળના ભાગમાં રાધાકૃષ્ણ સોસાયટીમાં રહેતા રમણીકભાઈ કાનજીભાઈ ડાભી જાતે સતવારા (૫૫)એ હાલમાં ટ્રક નંબર જીજે ૧ એક્સ ૩૮૮૮ ના ચાલક સામે ફરિયાદ નોંધાવી છે જેમાં તેમણે જણાવ્યું છે કે તેઓના પત્ની પંખુંબેન (૫૫) અનાજ દળવાની ચક્કીએ દરણું મૂકીને પરત ઘરે જતાં હતા ત્યારે રાધા કૃષ્ણ સોસાયટીના ઝાપા પાસેથી પસાર થઈ રહ્યા હતા દરમ્યાન પાછળથી આવેલા ટ્રક ચાલકે તેને હડફેટે લીધા હતા અને તેના શરીર ઉપરથી ટ્રકના ટાયર ફરી ગયા હતા જેથી કરીને ફરિયાદીના પત્નીને માથાના ભાગે ગંભીર ઇજા થઈ હોવાથી તેનું મોત નીપજ્યું હતું હાલમાં મૃતક મહિલાના પતિએ નોંધાવેલ ફરિયાદ આધારે પોલીસે ટ્રક ચાલક સામે ગુનો નોંધી આરોપીને પકડવા માટે તજવીજ શરૂ કરી છે અને આ અંગેની આગળની વધુ તપાસ મોરબી એ ડિવિઝન પોલીસ સ્ટેશનના પીએસઆઇ પી.આર. સોનારા ચલાવી રહ્યા છે
ઝેરી દવા
સુરેન્દ્રનગર જિલ્લાના મુળી તાલુકાના આંબરડી ગામે રહેતા ભરત જેસાભાઈ થરેસા જાતે કોળી (૧૮) નામના યુવાને ઝેરી દવા વાડીએ પી લીધી હતી જેથી કરીને તેને સારવાર માટે પ્રથમ હળવદ ત્યાંથી વધુ સારવાર માટે રાજકોટ અને ત્યારબાદ મોરબીની મંગલમ હોસ્પિટલ ખાતે લઈને આવ્યા છે જેથી આ બનાવની હોસ્પિટલ મારફતે મોરબી એ ડિવિઝન પોલીસને પ્રથમ જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે અને આ બનાવની પ્રાથમિક તપાસ વિપુલભાઈ પટેલ દ્વારા કરવામાં આવી રહી છે જોકે, બનાવ મુળી તાલુકા પોલીસની હદમાં બનેલો હોવાથી ત્યાં બનાવની જાણ કરવા માટે કવાયત હાથ ધરી છે
