ટંકારાના નસીતપર ગામે ઝેરી દવા પી ગયેલ વૃદ્ધાનું સારવારમાં મોત
Morbi Today
મોરબીના વાવડી રોડેથી ૭ બોટલ દારૂ સાથે બે શખ્સની ધરપકડ
SHARE
JOIN OUR GROUP
મોરબીના વાવડી રોડેથી ૭ બોટલ દારૂ સાથે બે શખ્સની ધરપકડ
મોરબીના વાવડી રોડ ઉપર આવેલ ગેબનશા પીરની દરગાહ પાસેથી પસાર થઇ રહેલા બે શખ્સોને રોકીને પોલીસે ચેક કર્યા હતા ત્યારે તેની પાસેથી દારૂની સાત બોટલ મળી આવી હતી જેથી કરીને પોલીસે ૩૬૪૦ રૂપિયાની કિંમતના દારૂના જથ્થા સાથે આ શખ્સોની ધરપકડ કરી હતી અને મોરબી એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી કરી છે
બનાવની જાણવા મળતી વિગત મુજબ મોરબી એ ડિવિઝન પોલીસની ટીમ પેટ્રોલિંગમાં હતી ત્યારે મોરબીના વાવડી રોડ ઉપર ગેબનશા પીરની દરગાહ પાસે જાહેરમાંથી પસાર થઈ રહેલા બે શખ્સોને રોકીને પોલીસ દ્વારા ચેક કરવામાં આવ્યા હતા ત્યારે તેની પાસેથી દારૂની સાત બોટલો મળી આવતા પોલીસે ૩૬૪૦ ની કિંમતનો દારૂનો જથ્થો કબજે કર્યો હતો અને આરોપી જયદીપ જેઠાભાઈ કંઝારીયા જાતે દલવાડી (૨૭) રહે. માધાપર શેરી નં-૨૦ મોરબી તેમજ હાર્દિક પ્રવીણભાઈ લંઘાણોજા જાતે વાણંદ (૨૭) રહે. માધાપર શેરી નં-૧૫ વાળાની ધરપકડ કરી હતી અને આ બંને શખ્સની સામે મોરબી એ ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરવામાં આવી છે અને આ શખ્સો પાસેથી મળી આવેલ દારૂની બોટલ તે ક્યાંથી લાવ્યા હતા તે દિશામાં પોલીસે તપાસ હાથ ધરી છે
અકસ્માતમાં ઇજા
મોરબીના સામાકાંઠા વિસ્તારમાં આવેલ ગોપાલ સોસાયટીમાં રહેતા મશરાણી મહેન્દ્રભાઈ મનહરલાલ (૨૭) નામનો યુવાન રીક્ષા લઈને મોરબી વાંકાનેર હાઇવે ઉપર આવેલા ગામ પાસે દરિયાલાલ રિસોર્ટ નજીકથી પસાર થઈ રહ્યો હતો ત્યારે ત્યાં વાહન અકસ્માતનો બનાવ બન્યો હતો અને અકસ્માતના બનાવમાં મહેન્દ્રભાઈને ઈજા થઈ હોવાથી તેને મોરબીના શનાળા રોડ ઉપર આવેલ નક્ષત્ર હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની વધુ તપાસ મોરબી તાલુકા પોલીસ સ્ટેશનના એ.એમ. જાપડીયા ચલાવી રહ્યા છે
