મોરબીમાં માતાની સ્મૃતિમાં કારીયા પરિવારના સૌજન્યથી યોજાયો ફ્રી મેડીકલ કેમ્પ
SHARE
JOIN OUR GROUP
મોરબીમાં માતાની સ્મૃતિમાં કારીયા પરિવારના સૌજન્યથી યોજાયો ફ્રી મેડીકલ કેમ્પ
મોરબીમાં રહેતા પ્રવિણચંદ્ર (ઘોઘુભાઈ) ધીરજલાલ કારીયાના આર્થિક સહયોગથી સ્વ.માતુશ્રી હેમકુંવરબેન ધીરજલાલ કારીયા (ખોડીયાર મઢુલી વાળા) ની સ્મૃતિમાં ફ્રી મેડિકલ કેમ્પનું આયોજન કરવામાં આવ્યું હતું જે કેમ્પ ડો. હસ્તીબેન મહેતાનો ૧૨૯ મો કેમ્પ હતો. અને અત્યાર સુધીમાં પ્રવિણભાઇ કારીયાના આર્થિક સાહયોગથી ૧૬ કેમ્પ કરવામાં આવેલ છે મોરબીની વેજીટેબલ પ્રાથમિક શાળાના વિદ્યાર્થીઓ તેમજ સ્થાનીક રહેવાસીઓને બીપી, સુગર ચેક કરી આપી તેમનું વજન કરી આપ્યુ હતુ અને જરૂરતમંદ દર્દીઓને ત્રણ દિવસની દવા આપવામાં આવી હતી. આ કેમ્પનો ૧૫૦ થી વધુ દર્દીઓએ લાભ લીધો હતો આ કેમ્પને સફળ બનાવવા ફિરોજભાઈ બગથરીયા, શાળા સ્ટાફના સુરેશભાઈ, દિનેશભાઈ,પ્રવિણભાઇ તેમજ સમગ્ર સ્ટાફે જહેમત ઉઠાવી હતી. અને કેમ્પ સહાયક તરીકે કોઠારીભાઈ, રશ્મિન દેસાઈ તેમજ કૌશીકા રાવલે સેવાઓ પુરી પાડી હતી.
