મોરબીના મહેન્દ્રપરા નવજાત શિશુના મૃતદેહને ત્યજી દેનાર અજાણી મહિલા સામે ગુનો નોંધાયો

મોરબીના મહેન્દ્રપરા શેરી નં-૧ પાસે પ્રકાશ ડેરીની પાછળના ભાગમાં કોઈ અજાણી મહિલા નવજાત બાળકના મૃતદેહને ત્યજીને નાસી ગઈ હતી જેથી કરીને આ અંગેની પોલીસને જાણ કરવામાં આવતા પોલીસે નવજાત બાળકના મૃતદેહને કબજે કર્યો હતો અને ત્યાર બાદ બાળકના મૃતદેહને ફોરેન્સિક માટે રાજકોટ લઈ જવા આવેલ હતો અને આ બનાવ અંગે હાલમાં અજાણી મહિલાની સામે મોરબી એ ડિવિઝન પોલીસ સ્ટેશન ખાતે ગુનો નોંધી પોલીસે આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મોરબીના મહેન્દ્રપરા શેરી નં-૧ માં પ્રકાશ ડેરી પાછળના ભાગમાં કોઈ અજાણી સ્ત્રી દ્વારા બાળકના જન્મને છુપાવવાના ઇરાદા સાથે જન્મતી વખતે મૃત્યુ પામેલ તાજા જન્મેલ નવજાત બાળકના મૃતદેહને ત્યાં ત્યજી દેવામાં આવ્યો હતો જે અંગેની જાણ મોરબી સીટી એ ડિવિઝન પોલીસને કરવામાં આવતા પોલીસે તાત્કાલિક ઘટના સ્થળે જઈને મૃત હાલતમાં મળી આવેલ નવજાત શિશુના બોડીને કબજે કર્યું હતું અને ત્યારબાદ ફોરેન્સિક પીએમ માટે તેને રાજકોટ લઈ જવામાં આવેલ હતું આ બનાવ સંદર્ભે હાલમાં મોરબી એ ડિવિઝન પોલીસ સ્ટેશન ખાતે અજાણી મહિલા સામે ગુનો નોંધીને પોલીસે મહિલાની શોધખોળ શરૂ કરી છે અને આગળની વધુ તપાસ મોરબી એ ડિવિઝન પોલીસ સ્ટેશનના પી.એસ.આઇ. પી.આર સોનારા ચલાવી રહ્યા છે