ટંકારામાં પાણીની લાઈનના લીકેજ બાબતે ખાર રાખીને બે કૌટુંબિક ભત્રીજાએ કાકાને માર માર્યો
Morbi Today
મોરબીના બહાદુરગઢ ગામના પાટીયા પાસે ડબલ સવારી બાઇકને બોલેરો ચાલકે હડફેટે લેતા એકનું મોત: એકને ઇજા
SHARE
JOIN OUR GROUP
મોરબીના બહાદુરગઢ ગામના પાટીયા પાસે ડબલ સવારી બાઇકને બોલેરો ચાલકે હડફેટે લેતા એકનું મોત: એકને ઇજા
મોરબી તાલુકાના બહાદુરગઢ ગામના પાટીયા પાસે ડબલ સવારી બાઇકને બોલેરો ગાડીના ચાલકે હડફેટે લીધું હતું જેથી કરીને બાઈક ઉપર જઈ રહેલા બે પૈકીના એક યુવાનનું મોત નીપજ્યું હતું જેથી કરીને મૃત્યુ પામેલા યુવાનના ભાઈએ નોંધાવેલ ફરિયાદ આધારે મોરબી તાલુકા પોલીસે બોલેરો ગાડી સામે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી વિગત મુજબ મૂળ ધ્રાંગધ્રા તાલુકાના ભરાડા ગામના રહેવાસી અને હાલમાં મોરબી તાલુકાના બહાદુર ગઢ ગામના પાટીયા પાસે આવેલ એરોન પ્લાસ વુડ નામના કારખાનાના લેબર કવાર્ટરમાં રહેતા અને મજૂરી કામ કરતા નિલેશભાઈ ઘનશ્યામભાઈ ગોઠી જાતે પટેલ (૨૧)એ હાલમાં મોરબી તાલુકા પોલીસ સ્ટેશન ખાતે બોલેરો ગાડી નંબર જીજે ૩૬ વી ૪૭૬૩ ના ચાલક સામે ફરિયાદ નોંધાવેલ છે જેમાં તેને જણાવ્યું છે કે ગત તા ૧૪/૨ ના સાંજના ૮:૩૦ વાગ્યાના અરસામાં તેનો નાનો ભાઈ દિવ્યેશ ઘનશ્યામભાઈ ગોઠી જાતે પટેલ (૨૦) તથા વિપુલભાઈ વિજયભાઈ નટ બંને બાઈક નંબર જીજે ૬ સીજી ૭૩૫૬ લઈને બહાદુરગઢ ગામના પાટીયા પાસે આવેલ અતિથિ પેપરમીલ સામેથી પસાર થઈ રહ્યા હતા ત્યારે બોલેરો ગાડીના ચાલકે તેના બાઇકને હડફેટે લીધું હતું અને અકસ્માત કર્યો હતો જે અકસ્માતના બનાવમાં દિવ્યેશભાઈ ને માથામાં અને પગમાં ગંભીર ઇજા થયેલ હતી જેથી તેનું મોત નિપજ્યુ હતુ અને વિપુલભાઈને ઇજાઓ થઈ હોવાથી તેને સારવાર માટે હોસ્પિટલ લઇને આવ્યા હતા હાલમાં મૃતક દિવ્યેશભાઇના ભાઈએ નોંધાવેલ ફરિયાદ આધારે પોલીસે બોલેરો ગાડીના ચાલક સામે ગુનો નોંધીને આરોપીને પકડવા માટે તજવીજ શરૂ કરી છે
