ટંકારામાં પાણીની લાઈનના લીકેજ બાબતે ખાર રાખીને બે કૌટુંબિક ભત્રીજાએ કાકાને માર માર્યો
SHARE
JOIN OUR GROUP
ટંકારામાં પાણીની લાઈનના લીકેજ બાબતે ખાર રાખીને બે કૌટુંબિક ભત્રીજાએ કાકાને માર માર્યો
ટંકારાથી કોઠારીયા તરફ જવાના કાચા રસ્તા ઉપર આવેલ જમીનમાંથી ફરિયાદી આધેડની જમીનમાં જતી પાણીની પાઇપલાઇન લીકેજ થતા તે બાબતનો ખાર રાખીને આધેડને તેના બે ભત્રીજા દ્વારા જાનથી મારી નાખવાની ધમકી આપી ગાળો આપીને લાકડી વડે માર મારવામાં આવ્યો હતો જેથી કરીને ભોગ બનેલા આધેડે સારવાર લીધા બાદ ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીઓને પકડવા માટે તજવીજ શરૂ કરી છે
જાણવા મળતી વિગત મુજબ ટંકારાના ખડીયાવાસમાં રહેતા અને ખેતી કામ કરતા હેમંતલાલ મોહનભાઈ દુબરીયા જાતે પટેલ(૫૫) એ હાલમાં ટંકારા તાલુકા પોલીસ સ્ટેશન ખાતે હિતેશ રામજીભાઈ દુબરીયા અને શશીકાંતભાઈ રામજીભાઈ દુબરીયા રહે બંને ટંકારા વાળાની સામે ફરિયાદ નોંધાવી છે જેમાં તેને જણાવ્યુ છે કે ટંકારાની સીમમાં કોઠારીયા ગામ તરફ જવાના કાચા રસ્તે આરોપીઓએ પોતાની જમીનમાંથી ફરિયાદીની જમીનમાં જતી પાણીની લાઈન લીકેજ થયેલ હોય તે બાબતે બોલાચાલી કરી હતી અને ત્યારબાદ ઝપાઝપી કરી ગાળો આપીને જાનથી મારી રાખવાની ધમકી આપી હતી અને લાકડાના ધોકા વડે ડાબા હાથમાં અને પીઠના ભાગે માર મારીને ઈજા કરી હતી જેથી કરીને ઈજા પામેલા આધેડને સારવારમાં લઈ ગયા હતા અને ત્યારબાદ તેઓએ તેના બંને કૌટુંબિક ભત્રીજાઓની સામે ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે આ અંગેની આગળની વધુ તપાસ ટંકારા તાલુકા પોલીસ સ્ટેશન ખાતે ફરજ બજાવતા એસ.બી. સીબીકી ચલાવી રહ્યા છે
