મોરબીમાં પાટીદાર સંમેલન પહેલા કાજલ હિંદુસ્તાનીની વાતનું પોલીસે કર્યું ખંડન
Morbi Today
ટંકારાના લજાઈ ગામે ગાડીઓમાંથી બેટરી ચોરનાર તસ્કરને ગણતરીની કલાકોમાં ઝડપી પાડતી પોલીસ
SHARE
JOIN OUR GROUP
ટંકારાના લજાઈ ગામે ગાડીઓમાંથી બેટરી ચોરનાર તસ્કરને ગણતરીની કલાકોમાં ઝડપી પાડતી પોલીસ
ટંકારા તાલુકાના લજાઈ ગામે પાર્ક કરવામાં આવેલા અલગ અલગ ૧૩ વાહનોમાંથી કોઈ અજાણ્યો તસ્કર બેટરી ચોરી જતા બનાવ અંગે ટંકારા પોલીસ મથકમાં ફરિયાદ નોંધાઇ હતી જેની તપાસ ગણતરીની કલાકોમાં ભેદ ઉકેલવા માં પોલીસને સફળતા મળી છે અને એક રીઢા ચોરને પકડી પાડયો છે.
બનાવની જાણવા મળતી હકીકત મુજબ ટંકારા તાલુકાના લજાઈ ગામે રહેતા કોગ્રેસના તાલુકા પંચાયતના સભ્ય પંકજભાઈ દયારામભાઈ મસોતે ટંકારા પોલીસ મથકમાં ફરિયાદ નોંધાવતા જાહેર કર્યું હતું કે, તેમની ઓફીસ પાછળ ખુલ્લામાં રાખવામાં આવેલ અલગ અલગ ૧૩ વાહનોમાંથી કોઈ અજાણ્યો તસ્કર રૂપિયા ૫૨ હજારની કિંમતની ૧૩ બેટરી ચોરી કરી જતા શોધખોળ કર્યા બાદ પણ આ બેટરી ન મળી આવતા પોલીસ ફરિયાદ નોંધાવી હતી. બનાવની પીએસઆઈ એમ.જે. ધાંધલ અને ડી-સ્ટાફના ચેતન કડવાતર, વિજયભાઈ બાર, ભાવેશભાઈ વરમોરા સહિતના જવાનો તપાસ કરી રહ્યા હતા અને ત્યારે ડિસ્ટાફના કૌશિકભાઈ પેઠરીયા અને સિદ્ધરાજસિહ ઝાલા દ્વારા ખાનગી બાતમીદારો અને ટેકનિકલ એનાલિસ્ટ હાથ ધરી સંયુક્ત બાતમીના આધારે આ ગુન્હાના આરોપી મહેબુબ અલાદીનમહમદ બાકરોલીયા જાતે મોમીન (૪૭) મુળ તિથવા તાલુકો વાકાનેર હાલ રહે રાજકોટ કોઠારીયા સોલ્વન્ટ મોહમ્મદીબાગ રાજકોટ વાળાને ચોરીના મુદામાલ સાથે ગુના કામે ઉપયોગમાં લેવામાં આવેલ એક ઈકો કાર નં જીજે ૩ એફડી ૧૬૬૪ કબજે કરી ચોરીનો ભેદ ઉકેલાયો હતો.
