વાંકાનેરમાં ડમ્પર ચાલકે બાઇકને હડફેટે લેતા ઇજા પામેલા વૃદ્ધનો જમણો હાથ કોએથી કાપવો પડ્યો
Morbi Today
મોરબીમાં એક્ટિવાની ડેકીમાંથી ૧.૫૯ લાખની ચોરી: કોંગ્રેસની રજૂઆત બાદ ગુનો નોંધાયો
SHARE
JOIN OUR GROUP
મોરબીમાં એક્ટિવાની ડેકીમાંથી ૧.૫૯ લાખની ચોરી: કોંગ્રેસની રજૂઆત બાદ ગુનો નોંધાયો
મોરબીના નવા ડેલા રોડ ઉપર ઘાંચી શેરીના નાકા પાસે એકટીવા વેપારીએ મૂક્યું હતું જે એકટીવાની ડેકીમાંથી રોકડા ૧.૫૯ લાખની ચોરી કરવામાં આવી હતી જેથી કરીને હાલમાં ભોગ બનેલા વેપારીની ફરિયાદ લઈને પોલીસે અજાણ્યા શખ્સની સામે ચોરીનો ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ મોરબીના રવાપર રોડ ઉપર આવેલ એવન્યુ પાર્ક શેરી નં-૧ માં રહેતા અને મોરબીના તખ્તસિંહજી રોડ ઉપર દુકાન ધરાવતા વેપારી જમનાદાસ સુગારામ ગુવાલાણી જાતે સિંધી (૭૦) એ હાલમાં મોરબી એ ડિવિઝન પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ નોંધાવેલ છે જેમાં તેને જણાવ્યુ છે કે, ગત તા.૫/૪ ના રોજ બપોરે ૩:૩૦ વાગ્યાના અરસામાં મોરબીના નવા ડેલા રોડ ઉપર આવેલ ઘાંચી શેરીના પાસે તેણે પોતાનું એકટીવા નંબર જીજે ૩૬ કયું ૫૦૨૨ પાર્ક કરીને મૂક્યું હતું અને ગણતરીની મિનિટોના એકટીવાની ડેકી તોડીને કોઈ અજાણ્યા શખ્સ દ્વારા રોકડા રૂપિયા ૧.૫૯ લાખની ચોરી કરવામાં આવેલ છે જેથી કરીને ભોગ બનેલ વેપારી દ્વારા મોરબી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવી છે જેના આધારે પોલીસે અજાણ્યા શખ્સની સામે ગુનો નોંધી આરોપીને પકડવા માટે તજવીજ શરૂ કરી છે અત્રે ઉલેખનીય છે કે, મોરબી જિલ્લા કોંગ્રેસનાં પ્રમુખ કિશોરભાઇ ચિખલિયાએ રાજ્યના ગૃહમંત્રીને લેખિતમાં રજુઆત કરી હતી જેમાં જણાવ્યુ હતું કે, છેલ્લા દિવસોની અંદર મોરબી શહેરી વિસ્તારમાં જે ઘટનાઓ સામે આવી છે તેને લઈને પોલીસના અસ્તિત્વ સામે સવાલો ઊભા થાય છે જેમાં મોરબીના નવા ડેલા રોડે બે મિનિટમાં એકટીવાની ડેકીમાંથી રોકડા ૧.૫૯ લાખની ધોળા દિવસે ચોરીની ઘટનાનો પણ ઉલ્લેખ કરવામાં આવેલ હતો અને ત્યાર બાદ હાલમાં મોરબી એ ડિવિઝન પોલીસે ચોરીનો ગુનો નોંધીને આરોપીને પકડવા માટે ચક્રોગતિમાન કરેલ છે
