માળીયા (મી)માં બંધ મકાનમાંથી દારૂ-બિયરની ૨૫૨ પેટી મળી: ૧૩.૯૫ લાખનો મુદામલ કબજે, આરોપીની શોધખોળ
SHARE
JOIN OUR GROUP
માળીયા (મી) માં બંધ મકાનમાંથી દારૂ-બિયરની ૨૫૨ પેટી મળી: ૧૩.૯૫ લાખનો મુદામલ કબ્જે, આરોપીની શોધખોળ
માળીયા મિ. ખાતે રહેણાંક મકાનમાં એલસીબીની ટીમે દારૂની રેડ કરી હતી તે સમયે મકાનમાંથી ઇંગ્લીશ દારૂ-બીયરની ૩૯૩૬ બોટલો મળી આવતા પોલીસે રૂા.૮,૯૫,૪૪૦ ની કિંમતનો દારૂ બિયરનો જથ્થો કબ્જે કરેલ છે તથા અન્ય મુદામાલ મળીને કુલ રૂા.૧૩,૯૫,૪૪૦ નો મુદામાલ પકડી પડેલ છે અને ગુનો નોંધીને આરોપીને પકડવા માટે ચક્રોગતિમાન કર્યા છે.
મોરબી જીલ્લા એલસીબીના પીઆઇ એમ.પી.પંડયાની સુચના અને માર્ગદર્શન હેઠળ સ્ટાફના માણસો કામગીરી કરે છે તેવામાં ચંદુભાઇ કાલોત્રા, ઇશ્વરભાઇ કલોત્રા, ભરતભાઇ જીલરીયા, તથા દશરથસિંહ પરમારને સયુકતમાં ખાનગી રાહે હકિકત મળેલ હતી કે, માળીયા મિંયાણાના વાગડીયા ઝાપા મેઇન બજાર જુની એસબીઆઇ બેંકની બાજુમાં રહેતા ફારૂકભાઇ હબીબભાઇ જામ તેના નવા બનતા મકાનની સામેના પોતાના કબ્જા ભોગવટા વાળા પડતર બંધ મકાનમાં ઇંગ્લીશ દારૂ-બીયરનો જથ્થો ઉતારેલ છે. અને હાલે તે દારૂ-બીયરની હેરાફેરી કરે છે.જે હકીકત આધારે સ્ટાફ સાથે રેઇડ કરતા સ્થળ ઉપરથી ઇંગ્લીશ દારૂ-બીયરની ૨૫૨ પેટીઓ જેમા કુલ બોટલો નંગ-૩૯૩૬ જેની કિંમત ૮,૯૫,૪૪૦ તથા એક કાર સહિત કુલ મળીને ૧૩,૯૫,૪૪૦ નો મુદામાલ મળી આવતા માળીયા મિ. તાલુકા પોલીસ સ્ટેશને ફરીયાદ નોંધીને આગળની કાર્યવાહી હાથ ઘરેલ છે. અને આરોપીને પકડવા માટે ચક્રોગતિમાન કરેલ છે.
