ટંકારા, વાંકાનેર અને મોરબીમાં જુગારની ત્રણ રેડ: આઠ શખ્સો જુગાર રમતા પકડાયા
Morbi Today
બગાસુ ખાતા પતાસુ: મોરબીમાં હથિયાર આપનારને પકડવા ગયેલ પોલીસે વધુ એક હથિયાર સાથે આરોપીને પકડ્યો
SHARE
JOIN OUR GROUP
બગાસું ખાતા પતાસું: મોરબીમાં હથિયાર આપનારને પકડવા ગયેલ પોલીસે વધુ એક હથિયાર સાથે આરોપીને પકડ્યો
મોરબી શહેરના સમાકાંઠે વિસ્તારમાં વિશાલ ફર્નિચરની પાછળના ભાગમાં આવેલ લક્ષ્મી સોસાયટીમાં રહેતા શખ્સે અગાઉ હથિયાર સાથે પકડાયેલા શખ્સને હથિયાર આપેલ હોવાની માહિતી સામે આવી હતી જેથી કરીને હથિયાર આપનારા શખ્સનાં ઘરે ચેક કરવામાં આવ્યું હતું ત્યારે ઘરમાંથી દેશી બનાવટનો એક તમંચો મળી આવ્યો હતો જેથી કરીને ૫૦૦૦ રૂપિયાની કિંમતનું હથિયાર કબજે કર્યું હતું અને બંને ગુનામા આરોપીની ધરપકડ કરી આગળની રાબેતા મુજબની કાર્યવાહી હાથ ધરી હતી
જાણવા મળતી માહિતી મુજબ મોરબી બી ડિવિઝન પોલીસ સ્ટેશનના વિસ્તારમાંથી અગાઉ એક શખ્સ હથિયાર સાથે પકડાયો હતો તેને જે શખ્સે હથિયાર આપેલ હતુ તે સામાકાંઠે વિશાલ ફર્નિચરની પાછળના ભાગમાં આવેલ લક્ષ્મી સોસાયટીમાં રહેતો હરીકિશન મુંધવા હોવાનું સામે આવ્યું હતું જેથી કરીને તેના રહેણાંક મકાનમાં ચેક કરવામાં આવ્યું હતું ત્યારે સ્થળ ઉપરથી દેશી બનાવટનો એક તમંચો મળી આવ્યો હતો જેથી કરીને પોલીસે ૫૦૦૦ રૂપિયાની કિંમતનું હથિયાર કબજે કર્યું હતું અને આરોપી હરીકિશન ઉર્ફે રમેશ ટીડાભાઈ મુંધવા જાતે ભરવાડ (૨૧) રહે. લક્ષ્મી સોસાયટી વિશાલ ફર્નિચર પાછળ મોરબી વાળાની ધરપકડ કરી તેની સામે મોરબી બી ડિવિઝન પોલીસો ખાતે આર્મ્સ્ એકટ ક-૨૫(૧-બી)એ, તથા જી.પી.એકટ કલમ-૧૩૫ મુજબ ગુનો નોંધી આગળની રાબેતા મુજબની કાર્યવાહી હાથ ધરી છે વધુમાં પોલીસ પાસેથી મળી રહેલ માહિતી મુજબ અગાઉ એસઓજીની ટીમે વીસીપરામાંથી દેશી તમંચા સાથે વસીમ નામના એક શખ્સની ધરપકડ કરી હતી અને તે શખ્સે હરીકિશન ઉર્ફે રમેશ ટીડાભાઈ મુંધવા પાસેથી હથિયાર લીધેલ હોવાની કબૂલાત આપી હતી જેથી પોલીસે ત્યાં તપાસ માટે ગયેલ હતી ત્યારે આ આરોપીના ઘરમાંથી વધુ એક હથિયાર મળી આવ્યું હતું જેથી કરીને પોલીસે હાલમાં બે ગુનામાં આરોપીની ધરપકડ કરીને આગળની કાર્યવાહી કરેલ છે
