મોરબીમાં અપહરણ-દુષ્કર્મના આરોપીનું ઘર સળગાવી નાખવાના ગુનામાં સગીરાના બે ભાઈની ધરપકડ
Morbi Today
મોરબીમાં વેપારીને શોરૂમની બહાર ઢસળી લાવીને ધોકા વડે માર મારવાના ગુનામાં બે આરોપીની ધરપકડ
SHARE
JOIN OUR GROUP
મોરબીમાં વેપારીને શોરૂમની બહાર ઢસળી લાવીને ધોકા વડે માર મારવાના ગુનામાં બે આરોપીની ધરપકડ
મોરબીના સનાળા રોડ ઉપર રામચોક પાસે બોસ ઇન્ડિયાનો શોરૂમ આવેલ છે અને તેના માલિક ત્યાં બેઠા હતા દરમિયાન શોરૂમમાં આવેલા શખ્સોએ તેના દિકરા પાસે અઢી લાખ લેવાના છે તે આપવાનુ કહ્યુ હતુ જો કે, શોરૂમ ધારકે રૂપિયા દેવાની ના પાડી હતી જેથી ગાળો આપીને ઢીકાપાટુનો માર માર્યો હતો. ત્યાર બાદમાં તેને ખેંચીને શોરૂમની બહાર લઈ આવ્યા હતા અને ધોળા દિવસે ધોકા વડે માર માર્યો હતો, જેની ફરિયાદ આધારે પોલીસે આ ગુનામાં બે આરોપીની ધરપકડ કરેલ છે.
મોરબીના સનાળા રોડ ઉપર આવેલ રામ ચોક પાસે બોસ ઇન્ડિયાનો શોરૂમ આવેલ છે જેના માલિક રામજીભાઈ અમરશીભાઇ ભીમાણી શોરૂમને બેઠા હતા ત્યારે તેની પાસે હાર્દિક જીતુભાઈ કૈલા અને હરેશ ગઢવી નામના બે શખ્સો ત્યાં આવ્યા હતા અને તેઓના દીકરા મિલન પાસેથી અઢી લાખ રૂપિયા લેવાના છે તે આપવા માટે કહ્યું હતું જે રૂપિયા આપવાની રામજીભાઇએ ના પાડી હતી. જેથી આ બંને શખ્સોએ રામજીભાઈને જેમ ફાવે તેમ ઢીકાપાટુનો માર માર્યો હતો. ત્યારબાદ તેને બાજુમાં આવેલ શેરીમાં ખેંચીને લઈ ગયા હતા અને ત્યાં અન્ય બીજા બે શખ્સો પણ હાજર હતા આ ચારેય શખ્સો દ્વારા રામજીભાઈને હાથે પગે અને સાથળના ભાગે લાકડાના ધોકા વડે માર મારવામાં આવ્યો હતો અને જાનથી મારી નાખવાની ધમકી આપી હતી જે બનાવ સીસીટીવી કેમેરામાં કેદ થયેલ હતો.
ત્યાર બાદ રામજીભાઈ ભીમાણીને સારવાર માટે લઈ ગયા હતા અને તેને મોરબી એ ડિવિઝન પોલીસ સ્ટેશન ખાતે ચાર શખ્સોની એસએમે ફરિયાદ નોંધાવી હતી જેના આધારે પોલીસે ગુનો નોંધીને આરોપીઓને પકડવા ચક્રો ગતિમાન કર્યા હતા અને આ ગુનાની તપાસ કરી રહેલા એ.એમ. જાપડીયા દ્વારા આરોપી હાર્દિક જીતેન્દ્રભાઈ કૈલા (24) રહે. ખોડીયાર સોસાયટી રામ ડેરી પાસે નાનીવાવડી મોરબી અને હરેશ ઝાલાભાઇ દેવસુર (27) રહે. સુમતિનાથ સોસાયટી નાનીવાવડી મોરબી વાળની ધરપકડ કરેલ છે તેમજ આ બનાવમાં કાયદાના સંઘર્ષમાં આવેલ એક બાળ કિશોરની પૂછપરછ કરીને પોલીસે આગળની કાર્યવાહી કરી હતી.
