મોરબીમાં યુવાનને મરવા મજબૂર કરવાના ગુનામાં પકડાયેલ પ્રેમિકા સહિતના છ આરોપી જેલ હવાલે
SHARE
JOIN OUR GROUP
મોરબીમાં યુવાનને મરવા મજબૂર કરવાના ગુનામાં પકડાયેલ પ્રેમિકા સહિતના છ આરોપી જેલ હવાલે
મોરબી નજીકના લાલપર પાસે સીરામિક સિટીમાં સ્પામા કામ કરતી મહિલાની સાથે ફ્લેટમાં રહેતા યુવાને ગળાફાંસો ખાઈને આપઘાત કરી લીધો હતો અને તેની પાસેથી સ્યૂસાઇટ નોટ પણ મળી આવી હતી જેથી મૃતક યુવાનની પ્રેમિકા સહિતનાઓની સામે ગુનો નોંધાયો હતો. જેના આધારે પોલીસે આ ગુનામાં મૃતકની પ્રેમિકા સહિત કુલ મળીને ત્રણ મહિલા સહિત છ આરોપીઓને પકડાયા હતા જે તમામ આરોપીઓને જેલ હવાલે કરવામાં આવેલ છે. અને પકડાયેલ શખ્સ પૈકીનાં જ એક આરોપીએ પોલીસ તરીકેની ઓળખ આપી હોવાનું પોલીસની તપાસમાં સામે આવ્યું છે.
મોરબીના લાલપર ગામ પાસે આવેલ સિરામિક સિટીના ફ્લેટમાં તેની સ્પામાં કામ કરતી પ્રેમિકા મારીયા સાથે રહેતા ધ્રુવ નટવરભાઈ મકવાણા (25) નામના યુવાને ફ્લેટમાં ગળાફાંસો ખાઈને આપઘાત કરી લીધો હતો. ત્યાંથી પોલીસે એક સ્યૂસાઇટ નોટ પણ કબ્જે કરી હતી જેમાં મૃતક યુવાને લખ્યું હતું કે, આ મારીયાએ મારી જિંદગી બરબાદ કરી નાખી છે. જેથી કરીને પોલીસે મૃતકના મોટા ભાઈ મુકુંદભાઈ નટવરભાઈ મકવાણાની ફારીયાદ લીધી હતી અને આ ગુનામાં મૃતક યુવાનની પ્રેમિકા આરોપી મારીયાબેન ઉર્ફે લાઇમોનપોઇ તેમજ લાલબીઆકન્ની ઉર્ફે બોયતેન લાલકિંગકીમા, બાળકીમી ઉર્ફે એન્જલ લાતરામ જાટ, સંદીપ કેશવલાલ પ્રજાપતિ, પ્રદીપ બબલુ પોસે અને વિશાલ બચુભાઈ બોરીચાની ધરપકડ કરી હતી. જે આરોપીઓને કોર્ટમાં રજૂ કરીને જેલ હવાલે કરવામાં આવેલ છે અને વધુમાં પોલીસ પાસેથી મળી રહેલ માહિતી મુજબ જે આરોપીઓને પકડવામાં આવેલ છે તે પૈકીનાં જ એક શખ્સે મૃતક યુવાનને પોલીસ તરીકે ઓળખ આપી હતી. તેવું તપાસમાં સામે આવ્યું છે.
