મોરબીમાં ડમ્પરનું હાઇડ્રોલિક નીચે પડતાં ડોકનો ભાગ દબાઈ જવાથી યુવાનનું મોત
SHARE
JOIN OUR GROUP
મોરબીમાં ડમ્પરનું હાઇડ્રોલિક નીચે પડતાં ડોકનો ભાગ દબાઈ જવાથી યુવાનનું મોત
મોરબી તાલુકાના ભડિયાદ ગામ પાસે આવેલ અમુલ મિનરલ નામના કારખાનામાં હાઇડ્રોલિકથી ડમ્પરના ઠાઠાનો ભાગ ઉંચો કર્યો હતો એન યુવાન કામ કરી રહ્યો હતો ત્યારે યુવાન ઉપર હાઇડ્રોલિક પડતા ચેસીસ અને ડમ્પરની વચ્ચે યુવાનની ડોકનો ભાગ દબાઈ ગયો હતો જેથી કરીને તે યુવાનનું મોત નીપજયું હતું. ત્યાર બાદ તેના મૃતદેહને પીએમ માટે મોરબીની સિવિલ હોસ્પિટલ ખાતે લઈને આવ્યા હતા અને ત્યારબાદ આ બનાવની હોસ્પિટલ મારફતે મોરબી તાલુકા પોલીસને જાણ કરતાં પોલીસે બનાવની નોંધ કરી આગળની કાર્યવાહી હાથ ધરી છે
જાણવા મળતી માહિતી મુજબ મોરબીના નવલખી રોડ ઉપર આવેલ લક્ષ્મીનારાયણ સોસાયટીમાં રહેતો દેવાણંદભાઈ રણમલભાઈ કુંભારવાડીયા (32) નામનો યુવાન મોરબી તાલુકાના ભડિયાદ ગામ પાસે આવેલ અમુલ મિનરલ નામના કારખાના કમ્પાઉન્ડમાં ડમ્પર ઊભું રાખીને ત્યાં હાઇડ્રોલિકથી ડમ્પરના ઠાઠાનો ભાગ ઉંચો કરીને કામ કરી રહ્યો હતો દરમિયાન અકસ્માતે હાઇડ્રોલિક નીચે પડતા ચેસીસ અને ડમ્પરની વચ્ચે આ યુવાનનો ડોકનો ભાગ દબાઈ ગયો હતો જેથી કરીને યુવાનને ગંભીર ઇજા થઈ હતી અને તેનું ઘટના સ્થળે જ મોત નીપજયું હતું ત્યારબાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે અકસ્માતના બનાવની નોંધ કરી આગળની કાર્યવાહી હાથ ધરી છે અને બનાવની પ્રાથમિક તપાસ મોરબી તાલુકા પોલીસ સ્ટેશનના ફિરોજભાઈ સુમરાએ કરી હતી.
અકસ્માતમાં ઇજા
મોરબીના જુના ઘૂટું રોડ ઉપર બાઈક સાથે બાઈક અથડાવવાનો બનાવ બન્યો હતો જે બનાવમાં જયદીપ બેચરભાઈ જીંજવાડિયા રહે. એસઆર પંપની પાછળ ત્રાજપર મોરબી વાળાને ઇજાઓ થઈ હતી જેથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપીને આ બનવાની હોસ્પિટલ મારફતે મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી.
