મોરબી પાલિકામાં કલેકટરે સપ્રાઇસ ચેકિંગ કરતાં 20 કર્મચારી ઘેર હાજર હોવાનું ખૂલ્યું: ગુટલીબાજોને નોટિસ ફટકારી
SHARE
JOIN OUR GROUP
મોરબી પાલિકામાં કલેકટરે સપ્રાઇસ ચેકિંગ કરતાં 20 કર્મચારી ઘેર હાજર હોવાનું ખૂલ્યું: ગુટલીબાજોને નોટિસ ફટકારી
મોરબી જિલ્લામાં આવેલી વિવિધ વિભાગોની જિલ્લા કક્ષાની કચેરીઓમાં કર્મચારીઓ તથા અધિકારીઓ સમયસર આવે છે કે નહી તેની થોડા સમય પહેલા જિલ્લા અને તાલુકા સેવ સદનમાં ચકાસણી કરવામાં આવી હતી ત્યારે કુલ 18 અધિકારી અને કર્મચારીઓ ગેરહાજર હોવાનું સામે આવ્યું હતું ત્યાર બાદ મોરબીના કલેક્ટર દ્વારા આજે મોરબી પાલિકા કચેરીમાં સરપ્રાઇસ ચેકિંગ કરવામાં આવ્યું હતું ત્યારે ૨૦ કર્મચારીઓ ફરજમાં ગુટલી મારીને હાજર ન હોવાનું સામે આવ્યું હતું.
મોરબી જિલ્લાના કલેકટર કે.બી ઝવેરી લોકોના પ્રશ્નો સાંભળવા અને તેનો નિકાલ કરવા માટે મંગળવારે પાલિકા કચેરીએ આવે છે જો કે, આજે સવારે તે આવ્યા ન હતા અને બપોરે ઓચિંતા કલેક્ટર પાલિકાએ પહોચ્યા હતા ત્યારે દરેક વિભાગની ચકાસણી કરતા કુલ મળીને ૨૦ જેટલા કર્મચારી ગેરહાજર હોવાનું સામે આવ્યું હતું અને કર્મચારી ફરજમાં ગુટલી મારીને ગયા હોવાથી ગેરહાજર કર્મચારીઓને કલેકટરે નોટીસ આપી છે અને ક્યાં કારણોસર ગેરહાજર હતા તેનો ખુલાસો પૂછવામાં આવ્યો છે.
