મોરબીમાં અનુપમ-અંકુર સોસાયટીના રોડ ઉપર ઉભરાતી ગટરથી ત્રાહિમામ લોકોએ કર્યો ચક્કાજામ
Morbi Today
મોરબીના રફાળેશ્વર નજીકથી ચોરાઉ બાઇક સાથે પકડાયેલ શખ્સ પાસેથી પોલીસે ત્રણ ચોરાઉ બાઇક કબજે કર્યા
SHARE
JOIN OUR GROUP
મોરબીના રફાળેશ્વર નજીકથી ચોરાઉ બાઇક સાથે પકડાયેલ શખ્સ પાસેથી પોલીસે ત્રણ ચોરાઉ બાઇક કબજે કર્યા
મોરબી તાલુકાના મકનસર અને રફાળેશ્વર ગામે ઘર પાસે પાર્ક કરેલા બાઈકની ચોરીની ફરિયાદ નોંધાઈ તેની ગણતરીની કલાકોમાં જ એલસીબીની ટીમે ત્રણ ચોરાઉ બાઈકની સાથે એક આરોપીની ધરપકડ કરેલ છે અને આરોપીને હાલમાં મોરબી તાલુકા પોલીસ હવાલે કરેલ છે.
મોરબી તાલુકાના મકનસર ગામે આવેલ ગોકુલનગર સોસાયટીમાં રહેતા અલ્પેશભાઈ જયંતીભાઈ નિમાવત (34)એ તેના ઘર પાસે પોતાનું બાઈક નંબર જીજે 3 સીબી 1760 પાર્ક કરીને મૂક્યું હતું જે 20 હજાર રૂપિયાની કિંમતના બાઈકની ચોરી થયેલ હતી તેવી જ રીતે રફાળેશ્વર ગામે રહેતા જગદીશભાઈ નટવરલાલ જાની (44)એ તેના ઘર પાસે બાઈક નંબર જીજે 3 એપી 2781 પાર્ક કરીને મૂક્યું હતું. જે 30 હજાર રૂપિયાની કિંમતના બાઈકની ચોરી કરવામાં આવી હતી જે બંને ફરિયાદ નોંધાઈ તેની ગણતરીની કલાકોમાં જ એલસીબીની ટીમે રફાળેશ્વર પાસેથી નંબર પ્લેટ વગરનું બાઇક લઈને નીકળેલા શખ્સને રોકીને ચેક કર્યો હતો ત્યારે તેની પાસેથી સંતોષકારક જવાબ મળેલ ન હતો જેથી કરીને વધુ પૂછપરછ કરવામાં આવતા તેની પાસે રહેલ બાઇક ચોરી કરીને મેળવેલ હોવાનું સામે આવ્યૂ હતું જેથી કરીને પોલીસે આરોપી આરોપી અશોક ગાંડુભાઈ ઉઘરેજા (35) રહે. નવા વઘાસિયા તાલુકો વાંકાનેર વાળાની ધરપકડ કરેલ છે અને તેની પાસેથી મકનસર અને રફાળેશ્વર ગામેથી ચોરી થયેલ બે બાઇક ઉપરાંત કુલ ત્રણ ચોરાઉ બાઇક જેની કુલ કિંમત 65 હજારનો મુદામાલ કબજે કરેલ છે
